Cəmiyyət

Qubanın Güləzi kəndində ATS və yeni bağça istifadəyə veriləcək

30 Noyabr 2012 19:43
Baxış: 594
VTB-də minimal faiz dərəcəsi ilə nağd kredit 10.49%-dən
Milli.Az Regional TV-yə istinadən xəbər verir ki, Qubanın Güləzi kəndində yerli sakinlərlə  RİH başçısı Mübariz Ağayev və digər dövlət orqanlarının nümayəndələri arasında görüş keçirilib.

Tədbirin keçirilməsində məqsəd sakinlərinin problem və ehtiyaclarını yerindəcə dinləmək və onları həll etməkdir. Görüşdə bildirilib ki, yaşayış məntəqəsinə 1 həftə öncə qazın verilməsinə başlanılıb.

Tədbirdə çıxış edən sakinlər onları narahat edən problemləri toplantı iştirakçılarının diqətinə çatdırıblar. Bu ilin mart ayında torpaq sürüşməsi ilə əlaqədar yeni əraziyə köçürülən kəndə 60 hektar yer ayrılıb. Sakinlər 2,3 və 4 otaqlı evlər, eləcə də inzibati binalarla təmin edilib. 189 təssərüfatdan 170-i yeni yaşayış massivinə köçürülüb. Bu səbəbdən köhnə kəndin adını saxlamaqla müasir yaşayış məntəqəsinin adı Yeni Güləzi formasında qeydiyyatdan keçiriləcək.

Yaxın günlərdə kənddə uşaq bağçası və ATS istifadəyə veriləcək. Quba RİH-nin başçısı Mübariz Ağayev kənd sakinlərinin digər problemlərinin həll olunacağını qeyd edib.

Tədbirdə çıxış edən Prezident Administrasiyasının məsul işçisi Arif Novruzov bildirib ki, qeyd olunan problemlərin qısa zaman ərzində həll olunması dövlətin nəzarətindədir. Bu kimi səyyar görüşlərin rayonun digər yaşayış məntəqələrində də keçirilməsi planlaşdırılır.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.