Cəmiyyət

Azərbaycana daha London taksiləri gəlməyəcək?

23 Oktyabr 2012 18:12
Baxış: 562
VTB-də minimal faiz dərəcəsi ilə nağd kredit 10.49%-dən
#UNİTED KİNGDOM #MANGANESE BRONZE HOLDİNGS PLC
"Manganese Bronze Holdings"də (hazırda Azərbaycanda istifadə edilən London taksilərinin istehsalçısı) yaranan maliyyə problemləri London taksilərinin gələcəkdə ölkəyə tədarük edilməsinə təsir etməyəcək. Bu barədə Trend-ə "Baku Taxi Company"nin rəhbəri İlqar Qasımov bildirib.

"Manganese Bronze Holdings" bəyan edib ki, maliyyələşdirmənin əlverişli şərtləri ilə bağlı razılaşma əldə edə bilməyib və holdinq daxili idarəetmə altına keçir.

Qasımovun sözlərinə görə, hazırda holdinqdə müəyyən proseslər gedir və perspektivdə səhmlərə nəzarət paketinin sahibinin dəyişməsinədək səhmdarların tərkibində dəyişikliklər baş verəcəyi halda belə, bu, London Taxi TX4 avtomobillərinin Azərbaycana tədarükünə heç cür təsir etməməlidir.

Onun fikrincə, istənilən halda bu avtomobillərin istehsalı dayanmayacaq, çünki onlara Böyük Britaniyada tələbat var. Holdinqin strukturunda dəyişikliklər baş verəcəyi və ya "Baku Taxi Company"nin rəhbərliyinin dəyişəcəyi təqdirdə də yeni müqavilə bağlamaq mümkündür.

Qasımov qeyd edib ki, şirkətin yeni avtomobillərin alınmasına dair planları qüvvədədir və hazırda maliyyələşdirmənin yeni sxemləri nəzərdən keçirilir. Maliyyələşdirmə sxeminin seçilməsindən sonra yeni avtomobillər sifariş veriləcək.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.