Cəmiyyət

"Qusar" qəzeti - 80 yaş

28 Sentyabr 2012 19:31
1 Şərh     Baxış: 2 840
VTB-də minimal faiz dərəcəsi ilə nağd kredit 9.9%-dən
#AZERBAİJAN
Qusarda mətbu orqan ilk dəfə 1932-ci ildə nəşr olunub. Həmin dövrdə rayon mərkəzi olan Hildə çapdan çıxan qəzetin adı "Sosializm tempi" olub. Həftəlik qəzet iki, azərbaycan və ləzgi dillərində latın qrafikası ilə nəşr olunub. O gündən bu günə tam 80 ildir ki, qəzet,
"Maarifləndirmək və məlumatlandırmaq" devizinə sadiq qalaraq oxucularının yanındadır.

Bu gün "Qusar" qəzetinin çapdan çıxmasının 80 illik yubileyi qeyd olunub.

Milli.Az Regional TV-yə istinadən xəbər verir ki, qəzet rayonun ictimai-siyasi həyatında baş verən hadisələri oxucularına çatdırmaqda göstərdiyi fəallığa, üzərində olan missiyanı uğurla həyata keçirdiyinə görə, bir sıra mükafat və fərmanlara layiq görülüb. Qəzetin layiq
görüldüyü ən mühüm təltiflərdən biri də Azərbaycan SSR Ali Sovetinin Fəxri Fərmanıdır. Azərbaycan müstəqillik qazandıqdan sonra da qəzet "Qusar" adı altında nəşrini davam etdirib.

Qəzet rəhbərliyi rayonda bir əsrə yaxın olan qəzetçilik, mətbuat ənənələrini davam etdirmək niyyətindədir. Qarşıya çıxan çətinlikləri də oxucuların köməyi ilə adlayacağına əmindir. Bu əminlik mətbu orqanın oxucularına etdiyi səmimi çağırışdan da duyulur. "Gəlin qəzeti birlikdə - Sizinlə bərabər hazırlayaq".

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.