Cəmiyyət

Hava ilə bağlı son məlumat

10 Avqust 2026 11:56

Baxış: 794

VTB-də minimal faiz dərəcəsi ilə nağd kredit 9.9%-dən

Avqustun 9-u axşam saatlarından etibarən Azərbaycanın bəzi dağlıq və dağətəyi rayonlarında arabir şimşək çaxır, yağış yağır.

Milli.Az xəbər verir ki, bu barədə Milli Hidrometeorologiya Xidməti məlumat yayıb.

Bildirilib ki, ayrı-ayrı ərazilərdə yağıntılar leysan xarakterli olub. Ən çox yağıntı Gədəbəydə (17 mm) və Daşkəsəndə (14 mm) qeydə alınıb.

Ağstafa və Göygöldə 9, Şəmkirdə 7, Gəncədə 6, Tovuzda 4, Şəkidə 2, Tərtər, Yevlax, Ceyrançöl, Şahdağ və Naftalanda isə 1 mm yağıntı düşüb.

Bəzi ərazilərdə şimal-qərb küləyi əsib. Küləyin maksimal sürəti Culfa və Mingəçevirdə 21, Naftalanda 18, Şabranda 17, Bakı və Abşeron yarımadası, eləcə də Sədərəkdə 15 m/s təşkil edib.

Havanın maksimal temperaturu Bakıda və Abşeron yarımadasında 39, Aran rayonlarında 40, Naxçıvan Muxtar Respublikasında 38, dağlıq rayonlarda isə 27 dərəcəyədək yüksəlib.

Müəllif: Malik Məlikov (Milli.Az redaktor)