Cəmiyyət

“Dövlətimiz bizi evlə təmin edib, içindəki həyatı birlikdə qururuq” - (Video)

20 İyul 2026 16:07

Baxış: 928

VTB-də minimal faiz dərəcəsi ilə nağd kredit 9.9%-dən

Qarabağın Xocavənd rayonunun Sos kəndinə köçən gənc ailənin üzvü Mətanət "Uzun sözün qısası" podcastında Böyük Qayıdışdan, yeni həyatlarından və ailə dəstəyinin əhəmiyyətindən danışıb.

Mətanət bildirib ki, Qarabağa köçdükdən sonra bu torpaqlar üçün darıxan insanların hisslərini düşündüyü üçün burada gündəlik həyatı əks etdirən videolar çəkməyə başlayıb:

"Evdə işlər gördükcə fikirləşirdim ki, insanlar bu torpaqlar üçün çox darıxıb. Qarabağda olmasa da, ürəyi bu torpaqlarda olan insanların burada gedən həyatı görməyə haqqı və istəyi var. Elə buna görə də Qarabağda kontentlər yaratmağa başladım."

O vurğulayıb ki, bu yolda ən böyük dəstəkçisi həyat yoldaşıdır:

"Videoları bacardıqca birlikdə çəkirik. O işlədiyi üçün hər zaman iştirak edə bilmir. Biz bu torpaqlara bir cütlük olaraq gəlmişik və bu həyatı birlikdə qururuq. Dövlətimiz bizə təmirli ev verib, amma o evin içindəki həyatı qurmaq artıq bizim əlimizdədir. Mən də çalışıram ki, paylaşımlarımız cütlük olaraq birlikdə nələr bacara bildiyimizi göstərsin. İki insan əl-ələ verəndə çox gözəl bir həyat yarada bilir."

Daha ətraflı bu linkdə izləyə bilərsiniz: