Cəmiyyət

ADY qida məhsullarının daşınmasını 35 faiz artırıb

17 İyul 2026 14:17

Baxış: 240

VTB-də minimal faiz dərəcəsi ilə nağd kredit 9.9%-dən

2026-cı ilin yanvar-iyun aylarında "Azərbaycan Dəmir Yolları" QSC (ADY) tərəfindən 905 min 992 ton qida məhsulu daşınıb.

ADY-dən verilən məlumata görə, bu göstərici ötən ilin eyni dövrü ilə müqayisədə 236 min 396 ton və ya 35 faiz çoxdur.

Bildirilib ki, cari ilin ilk 6 ayında qida sənayesi məhsullarının 388 min 764 tonu tranzit yolu ilə daşınıb. Bu da 2025-ci ilin müvafiq dövrü ilə müqayisədə 138 min 954 ton və ya 56 faiz artım deməkdir.

Məlumata əsasən, 2026-cı ilin iyun ayında ADY 198 min ton qida sənayesi məhsulu daşıyıb. Bu göstərici ötən ilin iyun ayı ilə müqayisədə 54 min 726 ton və ya 38 faiz çoxdur.

Həmçinin iyun ayında tranzit daşımalarının həcmi 87 min 261 ton təşkil edib. Bu isə ötən ilin eyni ayı ilə müqayisədə 43 min 528 ton və ya 2 dəfə çoxdur.

Müəllif: Malik Məlikov (Milli.Az redaktor)