Cəmiyyət

Sumqayıtda bina tam hazır olmadan təhvil verilib - Səbəb

9 İyul 2026 21:41
Baxış: 1 740
VTB-də minimal faiz dərəcəsi ilə nağd kredit 9.9%-dən
#CƏMİYYƏT

Sumqayıt şəhərinin 8-ci mikrorayonunda, Koroğlu küçəsində yerləşən yaşayış binasında mənzil alan sakinlər uzun müddətdir müxtəlif problemlərlə üz-üzə qalıblar.

Milli.Az xəbər verir ki, söhbət 90-dan çox ailənin mənzil aldığı binadan gedir. Sakinlərin iddiasına görə, tikinti şirkəti binanı tam hazır vəziyyətə gətirmədən istifadəyə verib. Binada hələ də lift quraşdırılmayıb, qaz təminatı yoxdur və dam örtüyünün tikintisi tamamlanmayıb. Bu səbəbdən ailələr illərdir mənzillərinə köçə bilmirlər.

Sakinlərin sözlərinə görə, binadakı açıq pilləkən boşluqları, xüsusilə uşaqlar üçün ciddi təhlükə yaradır. Sakinlərdən biri bildirib ki, beş və səkkiz yaşlı nəvələrinin təhlükəsizliyi onu ciddi narahat edir və mümkün bədbəxt hadisəyə görə məsuliyyət daşıyacaq şəxsin kim olacağını sual edir.

Məsələ ilə bağlı Sumqayıt Şəhər İcra Hakimiyyətindən bildirilib ki, vətəndaşların müraciətləri araşdırılır.

Qeyd olunub ki, problemin həlli üçün tikinti şirkətinin rəhbərliyi ilə görüş keçirilib və qaldırılan çatışmazlıqların aradan qaldırılması istiqamətində müvafiq tapşırıqlar verilib.

Müəllif: Aysel Əkbər (Milli.Az müxbir)

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.