Cəmiyyət

Avtobus və metrodan istifadə edənlərə ŞAD XƏBƏR

4 İyun 2026 16:46

Baxış: 2 754

VTB-də minimal faiz dərəcəsi ilə nağd kredit 9.9%-dən

Azərbaycanda ictimai nəqliyyat sistemində yeni maliyyələşmə modelinə keçid hazırlanır. Məhz bu növ sistemin tam şəkildə işlək vəziyyətə gətirilməsi üçün brutto müqavilə modelinə keçid vacib hesab olunur. Artıq bununla bağlı qərar verilib və 2026-2028-ci illər ərzində mərhələli şəkildə bu sistemə keçidin təmin olunması planlaşdırılır. Brutto müqavilə modeli daşıyıcıların maliyyə dayanıqlığını təmin etmək məqsədi daşıyır və burada əsas məsələ hər kilometrə görə subsidiyanın tətbiq olunmasıdır.

Milli.Az xəbər verir ki, nəqliyyat sahəsi üzrə ekspert Rauf Ağamirzəyev Demokrat.az-a açıqlamasında bu model tətbiq olunduqdan sonra ictimai nəqliyyat sistemində bir sıra yeniliklərin həyata keçirilməsi mümkün olacaq deyib.

"Buraya gündəlik, həftəlik, aylıq və illik bilet paketləri, eləcə də müəyyən zaman intervalı daxilində pulsuz keçid imkanları daxildir. Dünyanın müxtəlif şəhərlərində bu keçid müddəti fərqli olur. Bəzi şəhərlərdə 45 dəqiqə, digərlərində 60 və ya 90 dəqiqəlik pulsuz keçid sistemi tətbiq edilir. Belə yanaşma xüsusilə uzaq məsafədən gələn sərnişinlərin maliyyə yükünün azaldılmasına xidmət edir. Yəni sərnişin bir nəqliyyat vasitəsindən digərinə keçərkən əlavə ödəniş etmədən müəyyən müddət ərzində səfərini davam etdirə bilir".

O bildirib ki, bu da həm ictimai nəqliyyatdan istifadənin artırılmasına, həm də vətəndaşların xərclərinin optimallaşdırılmasına şərait yaradır:

"Bütün bunlar bir-biri ilə əlaqəli məsələlərdir. Ona görə də ilkin mərhələdə brutto müqavilə modelinə keçid əsas prioritet hesab olunur. Bu sistem tam tətbiq edildikdən sonra digər məsələlərin də mərhələli şəkildə öz həllini tapacağı gözlənilir".

Milli.Az

Milli.Az - Xəbər Portalı

Avtobus və metrodan istifadə edənlərə ŞAD XƏBƏR

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?