Cəmiyyət

Bu çayın üzərində su anbarı tikiləcək

4 İyun 2026 11:31
Baxış: 407
VTB-də minimal faiz dərəcəsi ilə nağd kredit 9.9%-dən

Yaxın gələcəkdə ümumiyyətlə Qarabağda su təchizatı sistemlərinin və suvarma sistemlərinin yenidən qurulması planlaşdırılır. Mövcud olan obyektlərdə də hazırda təmir-bərpa işləri aparılır.

Milli.Az xəbər verir ki, bunu "APA-Economics"ə açıqlamasında Qarabağ Su Meliorasiya Sistemlərinin İstismarı İdarəsinin rəisi Müşfiq Adıgözəlov deyib.

O vurğulayıb ki, Füzuli şəhərini su ilə təmin edən sistem bərpa olunub:

"Xaçınçay su anbarımız bərpa olunub. Şəhərlərin yeni su təchizatı sistemləri qurulur. Köç həyata keçirilən kəndlərdə, dövlət proqramına uyğun olaraq, demək olar ki, bütün yaşayış məntəqələrinin su təchizatı sistemləri ya yenidən qurulur, ya da mövcud sistemlər bərpa edilir".

Müşfiq Adıgözəlov qeyd edib ki, hazırda Bərgüşad su anbarının tikintisi planlaşdırılır:

"Bizim Zabuxçay su anbarı tikilib istifadəyə verilib, yenidən qurulub. Bərgüşad su anbarının tikintisi də planlaşdırılır. Su anbarı Bərgüşad çayının üzərində yerləşir".

Müşfiq Adıgözəlov əlavə edib ki, Qarabağda suvarma sistemlərimizdə qapalı suvarma sistemlərindən istifadə olunur:

"Demək olar ki, Qarabağda əsasən yeni texnologiyalar, pivot və damcı suvarma sistemləri tətbiq edilir. Çox az hissədə, əsasən kəndlər arasında açıq suvarma sistemlərindən istifadə olunur. Onlar da mərhələli şəkildə yeni suvarma sistemləri ilə əvəz edilir".

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.