Cəmiyyət

Azərbaycanda bu tərəvəzin qiyməti kəskin UCUZLAŞDI

30 Aprel 2026 11:14
Baxış: 2 974
VTB-də minimal faiz dərəcəsi ilə nağd kredit 9.9%-dən
#CƏMİYYƏT #BAZAR

"Azərbaycanda soğan ucuzlaşıb və bazarda qiymətinin aşağı düşməsi məhsulun bolluğu ilə əlaqədardır".

Milli.Az xəbər verir ki, bunu İqtisadiyyat.az-a açıqlamasında Milli Məclisin Aqrar siyasət komitəsinin sədri Tahir Rzayev deyib.

Komitə sədri təəssüflə qeyd edib ki, bir çox hallarda sahibkarlar reallıqları nəzərə almır, bazarın tələblərini öyrənmir və əhalinin məhsula olan tələbatını vaxtında müşahidə edib araşdırmırlar:

"Buna görə də kartof, soğan və digər kənd təsərrüfatı məhsulları bir balaca bahalaşan kimi sahibkarlar həmin məhsulların yetişdirilməsinə daha böyük önəm verirlər və nəticədə məhsulun bolluğuna səbəb olur. Beləliklə, həmin məhsul bazarda qiymətini itirir".

T.Rzayev hesab edir ki, bu da sahibkarların özlərindən asılıdır: "Çünki onlar torpaq sahibidirlər. Onlara heç vaxt hansı məhsulun əkilməsini və becərilməsini tələb etmək mümkün deyil. Lakin müvafiq orqanlar bunu tənzimləməlidirlər. Bu istiqamətdə maarifləndirmə tədbirləri aparılmalı, fermerlər və sahibkarlar bu barədə ətraflı məlumat almalıdırlar. Həm hava şəraiti, həm də məhsulun hansı miqdarda əkilməsi və bazarın tələbləri onlara aşılanmalıdır. Düşünürəm ki, belə olan halda, bazar tənzimlənər və sahibkarın əməyi əlində qalmaz".

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.