Cəmiyyət

Kiloqramı 65 manat OLDU

29 Aprel 2026 10:55

Baxış: 4 654

VTB-də minimal faiz dərəcəsi ilə nağd kredit 9.9%-dən

#CƏMİYYƏT #BAHALAŞMA

Püstə bazarında qiymətlər kəskin artaraq 65 manata çatıb və bu vəziyyət artıq alıcılar üçün ciddi narahatlıq doğurur. Son dövrlərdə müşahidə olunan bu bahalaşma təkcə yerli amillərlə deyil, həm də qlobal bazarda baş verən proseslərlə əlaqələndirilir. Bir vaxtlar əlçatan sayılan püstə artıq bir çox ailələr üçün bahalı məhsula çevrilməkdədir.

Milli.Az xəbər verir ki, iqtisadçı Xalid Kərimli məsələ ilə bağlı Demokrat.az-a açıqlamasında püstə istehsalında dünya üzrə əsas aparıcı ölkələrin İran, ABŞ və Türkiyə olduğunu bildirib.

"İran və ABŞ birlikdə qlobal püstə istehsalının təxminən 90 faizini təmin edir və bu səbəbdən dünya bazarında qiymətlərin formalaşmasında əsas rol oynayırlar. Türkiyə isə son illərdə bu sahədə inkişaf edərək ixrac potensialını artırır. Azərbaycana püstə əsasən İran və Türkiyədən idxal olunur. Lakin İranda baş verən proseslər, xüsusilə ABŞ-la münasibətlərdə gərginlik və ümumi qeyri-sabitlik idxal əməliyyatlarını çətinləşdirib. Sahibkarlar həm ödənişlərdə, həm də logistika məsələlərində ciddi problemlərlə üzləşirlər. Risklərin artması isə qiymətlərə birbaşa təsir göstərir. Bundan əlavə, bayram ərəfəsində bu məhsullara tələbatın kəskin artması qiymətlərin daha da yüksəlməsinə səbəb olur".

O bildirib ki, təkcə püstə deyil, ötən il fındıq bazarında da ciddi bahalaşma qeydə alınıb:

"Dünyanın ən böyük fındıq ixracatçısı olan Türkiyədə qiymətlərin iki dəfə artması bu prosesə təsir edən əsas amillərdən biri olub. Ümumilikdə, iqlim şəraitinin əlverişsiz keçməsi və məhsuldarlığın azalması çərəz bazarında qiymət artımını qaçılmaz edib. İranda baş verən hadisələr və idxal problemləri isə bu artımı daha da sürətləndirib. Xüsusilə bayram dövrlərində tələbatın artması qiymətləri rekord həddə çatdırır".

Milli.Az

Milli.Az - Xəbər Portalı

Kiloqramı 65 manat OLDU

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?