Cəmiyyət

Xırdalanda yaşayanlara ŞAD XƏBƏR

10 Aprel 2026 12:37
Baxış: 4 980
VTB-də minimal faiz dərəcəsi ilə nağd kredit 9.9%-dən

Ötən il sentyabrın 15-dən Xırdalan-Sumqayıt xətti üzrə qatarla sərnişin daşımaları müvəqqəti olaraq dayandırılıb. Bu, Pirşağı-Novxanı-Xırdalan avtomobil yolunun tikintisi layihəsi çərçivəsində mövcud dəmir yolu xəttinin altından yeni avtomobil tunelinin inşası ilə bağlıdır.

Bəs, tikinti işləri nə yerdədir?

Milli.Az xəbər verir ki, bununla bağlı Azərbaycan Avtomobil Yolları Dövlət Agentliyinə sorğu göndərdik. Qurumdan Bizim.Media-ya bildirilib ki, hazırda tunelin tikintisi qrafikə uyğun olaraq tam sürətlə davam etdirilir:

"Tunelin tikintisi artıq tamamlanmaq üzrədir. Hava şəraiti imkan versə, tikinti işləri aprelin sonuna qədər yekunlaşdırılacaq".

Nəzərə alaq ki, tikinti işləri yekunlaşdıqdan sonra avtomobillərin qısa yolla Bakı-Şamaxı yoluna çıxışı təmin ediləcək. Üstəlik, Xırdalan-Sumqayıt xətti üzrə qatarla sərnişin daşımaları tam bərpa olunacaq və sərnişinlər ənənəvi olaraq bu istiqamətdə qatarla təhlükəsiz və rahat səfər edəcəklər.

Qeyd edək ki, avtomobil tunelinin tikintisi Prezident İlham Əliyevin sərəncamı ilə təsdiq edilmiş 2025-2030-cu illər üçün Dövlət Proqramı çərçivəsində həyata keçirilir və paytaxtın və ətraf ərazilərin nəqliyyat infrastrukturunun təkmilləşdirilməsinə xidmət edir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.