Metroda yanğın təhlükəsizliyi necə qorunur? - RƏSMİ

1 Aprel 2026 11:53

Baxış: 882

VTB-də minimal faiz dərəcəsi ilə nağd kredit 9.9%-dən

"Bakı Metropoliteni"ndə istifadə olunan sərnişin qatarlarındakı odsöndürən balonların vəziyyəti ilə bağlı müzakirələr sosial şəbəkələrdə geniş yayılıb.

Məsələ ilə bağlı Fövqəladə Hallar Nazirliyinin Dövlət Yanğın Nəzarəti Xidmətindən Milli.Az-a bildirildi ki, Bakı Metropoliteni" Qapalı Səhmdar Cəmiyyətinin sərnişin qatarları ilə bağlı "Facebook" sosial şəbəkəsində yayılan məlumatla əlaqədar bildiririk ki, sözügedən odsöndürən balonlar yeni nəsil qatarların üzərində istehsalçı zavod tərəfindən quraşdırılmış vəziyyətdə ölkəyə gətirilir. Həmin balonların istifadəyə yararlılığına istehsalçı tərəfindən 10 illik zəmanət müddəti müəyyən edilmişdir.

Zəmanət müddəti ərzində balonların işlək vəziyyətdə olması, təzyiq göstəriciləri və kənar müdaxilələrdən mühafizəsi vaqonlardakı avtomatik nəzarət sistemləri vasitəsilə, həmçinin Metropolitenin yanğın təhlükəsizliyinə məsul müvafiq struktur bölməsi tərəfindən mütəmadi nəzarətdə saxlanılır.

Məsələyə dövlət nəzarəti isə Fövqəladə Hallar Nazirliyinin Dövlət Yanğın Nəzarəti Xidmətinin Bakı Metropoliteni üzrə Dövlət yanğın nəzarəti şöbəsinin inspektorları tərəfindən müəyyən dövriliklə keçirilən yanğın-texniki müayinələr vasitəsilə təmin edilir.

Odsöndürən balonların möhürü üzərindəki zaman göstəricisinə gəldikdə isə, balonların zəmanət müddəti daxilində olduğunu nəzərə alaraq, onların ehtiyac olmadığı halda vaxtından əvvəl yenilənməsinə zərurət yaranmır.

Ölkə hüdudları daxilində sözügedən balonlara texniki xidmətin göstərilməsinə ehtiyac yarandığı təqdirdə, təmir-sazlama işləri, keyfiyyətinin bərpası "Lisenziyalar və icazələr haqqında" Azərbaycan Respublikasının Qanununa uyğun olaraq, müvafiq icazəyə malik hüquqi və ya fiziki şəxslər tərəfindən həyata keçirilir.

Aysel Əkbər
Milli.Az

Metroda yanğın təhlükəsizliyi necə qorunur? - RƏSMİ

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?