Cəmiyyət

Ömrünüzü uzatmaq üçün bu 10 qidanı yeyin

31 Mart 2026 11:32
Baxış: 1 887
VTB-də minimal faiz dərəcəsi ilə nağd kredit 9.9%-dən
#CƏMİYYƏT #SAĞLAMLIQ

Dünyanın ən güclü 10 qidası açıqlanıb. "Forbes" sağlamlıq üzrə aparılan araşdırmalar əsasında mütləq istifadə edilməli olan 10 təbii qidanın siyahısını açıqlayıb.

Bu məhsulların orqanizmi gücləndirdiyi, qocalmanı ləngitdiyi və ümumi sağlamlığa müsbət təsir göstərdiyi bildirilir.

Siyahıda yer alan məhsullar:

Somon balığı

Omega 3 və B12 ilə zəngin olan somon ürək-damar sağlamlığını dəstəkləyir, maddələr mübadiləsini sürətləndirir və güclü zülal mənbəyi kimi seçilir.

Alma

Antioksidant və liflə zəngin alma hüceyrələri qoruyur, immuniteti gücləndirir, şəkər və ürək xəstəliklərinə qarşı fayda göstərir.

Brokoli

Yüksək lif tərkibi sayəsində həzmi asanlaşdırır və bağırsaq sağlamlığını yaxşılaşdırır.

Nar

Güclü antioksidant təsirə malikdir, iltihabı azaldır, ürək sağlamlığını dəstəkləyir.

Lobya

A və C vitamini, fol turşusu və kaliumla zəngin fasulye pis xolesterolu azaltmağa kömək edir.

Fındıq

Doymamış yağ turşuları, vitamin və mineralların yüksək miqdarı sayəsində beynin və ürəyin fəaliyyətini gücləndirir.

Süd

Kalsium, B2, B12 və A vitamini ilə zəngin olan süd sümük sağlamlığı üçün əsas qidalardan sayılır.

Qırmızı ət

Zülal, dəmir və B qrup vitaminləri ilə zəngindir, enerji verir və əzələ inkişafını dəstəkləyir.

Yumurta

Bütün zəruri amin turşularını ehtiva edən yumurta yüksək keyfiyyətli zülal mənbəyidir.

Qarağat

Antioksidant təsiri ilə yaddaşı gücləndirir, immuniteti artırır və ürək xəstəlikləri riskini azaldır./Demokrat.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.