Cəmiyyət

Yağışda avtomobil nömrəsi itənlər nə etsin?

31 Mart 2026 11:20
Baxış: 1 079
VTB-də minimal faiz dərəcəsi ilə nağd kredit 9.9%-dən
#CƏMİYYƏT

Paytaxtda yağan güclü yağışlardan sonra bir sıra küçə və prospektlərdə avtomobillərin dövlət qeydiyyat nişanlarının suya düşərək itdiyi halları artıb.

Milli.Az xəbər verir ki, sosial şəbəkələrdə son günlər bu mövzu ilə bağlı paylaşımların çoxalması problemin kifayət qədər geniş yayıldığını göstərir.

Bəzi sürücülər itirdikləri nömrələri tapmaq üçün elanlar yerləşdirir, digərləri isə məsələ ilə bağlı rəsmi qurumlara müraciət etməli olurlar. Qaydalara əsasən, dövlət qeydiyyat nişanı itdikdə və tapılmadıqda eyni nömrə kombinasiyasının yenidən verilməsi mümkün deyil. Bu səbəbdən sürücü əvvəlcə nömrənin itməsi və ya oğurlanması faktını dəqiqləşdirmək üçün ərazi üzrə polis şöbəsinə müraciət etməlidir.

"Yol hərəkəti haqqında" Qanunun 29-cu maddəsinə görə, əgər itmiş və ya oğurlanmış nömrə sonradan tapılarsa, ilk növbədə onun son sahibinə təqdim olunur.

Lakin nömrə tapılmadığı halda sürücüləri daha çətin və vaxt aparan prosedur gözləyir. Belə vəziyyətdə avtomobil üçün tamamilə yeni dövlət qeydiyyat nişanı alınmalı, eyni zamanda nəqliyyat vasitəsinin qeydiyyat şəhadətnaməsi, yəni texniki pasport da yenilənməlidir.

Asya
Milli.Az 

 
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.