Cəmiyyət

Elektron ticarətin pərakəndə ticarətdə payı artır

12 Mart 2026 12:48

Baxış: 600

VTB-də minimal faiz dərəcəsi ilə nağd kredit 9.9%-dən

"Azərbaycanda da fəaliyyət göstərən "Trendyol" hazırda Avropada 27, Körfəz regionunda 6 ölkə və Azərbaycan daxil olmaqla ümumilikdə 35 ölkədə xidmət göstərir".

Milli.Az xəbər verir ki, bunu "Trendyol" şirkətinin Marketinq və Reklam tənzimlənməsi üzrə şöbə müdiri Erdem Biçer deyib.

Onun sözlərinə görə, platformanın gündəlik orta ziyarətçi sayı 20 milyondan artıqdır. Aktiv istifadəçi sayı 40 milyonu keçib, satılan məhsulların sayı isə 1 milyarddan çoxdur. Platformada fəaliyyət göstərən satıcıların sayı isə 250 mindən artıqdır:

"Dünya üzrə elektron ticarətin pərakəndə ticarətdə payı da getdikcə artır. Hazırda bu göstərici 20 faizə yaxınlaşır və proqnozlara görə 2027-ci ildə 25 faizi keçəcək. Biznesdən biznesə ticarətin həcmi 36 trilyon dollar, biznesdən istehlakçıya ticarətin isə 5,5 trilyon dollar səviyyəsinə çatacağı gözlənilir".

Mina Mikayılova
Milli.Az