Cəmiyyət

Azərbaycanda kartof BAHALAŞDI

10 Mart 2026 15:39
Baxış: 7 430
VTB-də minimal faiz dərəcəsi ilə nağd kredit 9.9%-dən
#CƏMİYYƏT #BAHALAŞMA #KARTOF

Ən çox istifadə edilən tərəvəz olan kartofun qiyməti artıb. İrandan kartof ixracına qoyulan qadağa görünür qiymətlərə təsir edir. Nəzərə alsaq ki, qadağa davam edir, qiymətlərin necə olacağı sualı maraq doğurur. 

Milli.Az xəbər verir ki, satıcıların sözlərinə görə, İrandan kartof ixracına qoyulan qadağadan sonra bir kiloqramda 20 qəpik artım var. Amma qiymətlər tək İran kartofunda yox, Pakistan, Türkiyə və yerli kartofda da özünü göstərir:

"Artım bir neçə gün öncə olub, davam edəcəyi gözlənilmir. Hal-hazırda topdan satışı 80 qəpikdir. İran kartofları isə 1 manatdan yuxarıdır. Bir azdan öz yerli Cəlilabad kartoflarımız da çıxacaq". 

Fermerlərin sözlərinə görə, kartofun qiymətində 10-15 qəpik artım var. 

Bəs artım davam edəcək? 

Məsələ ilə bağlı iqtisadçı Rəşad Həsənov bildirib ki, yerli bazarda əhəmiyyətli yer tutan ölkələrdən Türkiyə 45%, Gürcüstan 15%, İran 10% paya sahibdir:

"Sonrakı yerləri isə Pakistan və Rusiya tutur. İrandan təxminən il ərzində 13-15 min ton kartof idxal olunur ki, bu da qiymətlərə ciddi təsir göstərmək gücündə deyil. Amma son aylar kartofun qiymətində ümumi artım müşahidə olunur. Kartofun qiymətində artımlar ola bilər. Xüsusilə mart və aprel ayında gözləniləndir. Yerli kartof sonrakı aylarda çıxandan sonra isə qiymətlərin aşağı düşməsi də ola bilər". 

Aysel
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.