Cəmiyyət

Siqaret stressi azaltmır - "Siqaretin özü stress mənbəyidir"

27 Fevral 2026 01:01

Baxış: 1 344

VTB-də minimal faiz dərəcəsi ilə nağd kredit 9.9%-dən

#SİQARET #STRESS

"İnsanların çoxu siqareti stresi azaltmaq üçün çəkdiyini düşünür. Amma reallıq tam fərqlidir".

Milli.Az xəbər verir ki, bunu neyroelm üzrə araşdırmaçı Fərid Rəfibəyli deyib.

Onun sözlərinə görə, siqaret yalnız öz yaratdığı stresi azalda bilir. Nikotinin təsiri bitdikcə bədəndə narahatlıq, gərginlik, aqressiya, əsəbilik kimi "süni stress" siqnalları yaranır:

"İnsan siqaret çəkir və bu siqnallar bir neçə dəqiqəliyinə susur. O da bunu digər streslərin azalması kimi başa düşür. Halbuki bu sadəcə asılılığın növbəti dövrəsi üçün qısa fasilədir. Həyatdakı real stresslər, yəni iş, ailə, məsuliyyətlər siqaretlə nə azalır, nə də yox olur. Əksinə, siqaret insanın emosional sisteminə əlavə yük gətirdiyi üçün stresi daha da artırır".

F.Rəfibəyli qeyd edib ki, siqareti tərgidən hər kəs bir müddət sonra anlayır ki, əsl rahatlıq elə siqaretsiz olanda başlayır:

"Çünki stressin mənbəyi siqaretin özüdür".

Mina Mikayılova
Milli.Az