Cəmiyyət

Sürücülərin diqqətinə - Bu yola radar quraşdırıldı

17 Fevral 2026 12:38

Baxış: 1 429

VTB-də minimal faiz dərəcəsi ilə nağd kredit 9.9%-dən

#CƏMİYYƏT #RADAR

Bakı-Quba-Rusiya Federasiyası sərhədi ödənişli avtomobil yoluna radar quraşdırılıb.

Milli.Az-ın məlumatına görə, Quba-Qusar istiqamətində olan yolda radar quraşdırılsa da hələ ki, aktiv deyil.

Həmin radarın qısa zaman sonra aktivləşdiriləcəyi bildirilir.

Qeyd edək ki, Milli Məclisin plenar iclasında müzakirə olunan "Yol hərəkəti haqqında" qanunda dəyişiklik edilməsi barədə qanun layihəsində yaşayış məntəqələrindən kənarda minik avtomobilləri və icazə verilmiş maksimum kütləsi 3,5 tondan artıq olmayan yük avtomobilləri üçün sürət həddinin saatda 130 kilometr, digər avtobuslar, yedəyində qoşqu aparan minik avtomobilləri, icazə verilən maksimum kütləsi 3,5 tondan artıq olan yük avtomobilləri üçün isə saatda 90 kilometrdən çox olmayan həddə müəyyən edilməsi təklif olunub.

Nəzərə çatdıraq ki, ölkəmizdə avtomagistraldan ödənişli yol kimi istifadə edilməsi qaydaları Nazirlər Kabinetinin 2019-cu il 6 mart tarixli Qərarı ilə müəyyən edilib.

Xatırladaq ki, "M-1 Bakı-Quba-Rusiya Federasiyası ilə dövlət sərhədi avtomobil yolunun H.Z.Tağıyev qəsəbəsindən başlayaraq tikilən yeni avtomobil yolunun 129 kilometrlik hissəsinin ödənişli yol kimi müəyyən edilməsinə dair tədbirlər haqqında" Nazirlər Kabinetinin 2023-cü il 5 sentyabr tarixli Qərarı qəbul edilib.

Mina Mikayılova
Milli.Az