Cəmiyyət

Qubada sakinlər çətin vəziyyətdədir - SƏBƏB

17 Yanvar 2026 15:42
Baxış: 1 215
VTB-də minimal faiz dərəcəsi ilə nağd kredit 9.9%-dən

Quba rayonunun İdrisqışlaq kəndində suvarma kanalının vaxtında təmizlənməməsi kənd sakinləri arasında ciddi narazılığa səbəb olub.

Milli.Az xəbər verir ki, sakinlərin sözlərinə görə, uzun müddətdir təmizlənməyən kanal ot və lil qatları ilə dolub. Nəticədə su daşaraq evlərə və həyətyanı sahələrə yayılır, bu da əhaliyə ciddi çətinlik yaradır.

"Kanal daşanda evimin altı su ilə dolur. Qamış, torpaq və zibillər buranı basıb. Mən bir balaca daxma tikmişəm, indi o da suyun içindədir", - sakinlərdən biri bildirib.

Başqa bir sakin isə əlavə edib: "Arx uzun müddətdir təmizlənməyib. İçinə zibillər tökülübdür, artıq ağaclar belə bitib. Evlərimizi su basır, vəziyyət getdikcə ağırlaşır".

Məsələ ilə bağlı Şabran Su Meliorasiya Sistemlərinin İstismarı İdarəsindən bildirilib ki, Quba rayonunun İdrisqışlaq kəndi ərazisindən keçən suvarma arxında lil və kol-kosdan təmizlənmə işlərinin iş qrafikinə uyğun olaraq yaxın vaxtlarda aparılması planlaşdırılır: "Yaz-yay suvarma mövsümünə qədər idarənin balansında olan suvarma arxlarının lil və kol-kosdan təmizlənməsi üzrə işlərin yekunlaşdırılması nəzərdə tutulur".

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.