Cəmiyyət

Qəribə oğurluq: Kompot, mürəbbə oğurlayıb sonra evi yandırdılar

7 Yanvar 2026 12:26

Baxış: 610

VTB-də minimal faiz dərəcəsi ilə nağd kredit 10.49%-dən

#POLİS #OĞURLUQ

Şəki rayonunda fərdi yaşayış evi yanğın nəticəsində tamamilə yararsız hala düşüb.

Milli.Az xəbər verir ki, hadisə yanvarın 5-nə keçən gecə saat 02:00 radələrində rayonun Baş Göynük kəndində qeydə alınıb.

Məlumata görə, kənd sakini Fazil Əhmədova məxsus ümumi sahəsi 190 kvadratmetr olan, 4 otaqdan ibarət evdə baş verən yanğın zamanı tikilinin yanar hissələri və evdəki əşyalar tamamilə yanıb.

Ev sahibinin sözlərinə görə, yanğın təsadüfi olmayıb. O iddia edir ki, naməlum şəxslər əvvəlcə evə oğurluq məqsədilə daxil olub, daha sonra izi itirmək üçün evi qəsdən yandırıblar. Yanğından sonra evdən pul və qızıl-zinət əşyalarının yoxa çıxdığı müəyyən edilib.

Digər oxşar hadisə isə Lənkəranda qeydə alınıb. Ev sahibi qeyd edir ki, oğurluq edən şəxslər evdən kompot, əncir mürəbbəsi götürüblər.

"Evdə yeyib içəndən sonra evi yandırıb çıxıblar".

Daxili İşlər Nazirliyinin Şəki regional qrupundan bildirilib ki, faktla bağlı polis orqanlarında araşdırma aparılır və həm yanğın, həm də oğurluq iddiaları yoxlanılır.

Asya
Milli.Az