Cəmiyyət

"İPhone" sahibləri risk altında: Parolu yazanlar cihazını itirir - XƏBƏRDARLIQ

13 Dekabr 2025 12:35

Baxış: 1 310

VTB-də minimal faiz dərəcəsi ilə nağd kredit 9.9%-dən

#İPHONE #DƏLƏDUZLUQ

"iPhone" istifadəçiləri "Apple" ID məlumatlarının oğurlanması və cihazların bloklanmasına yönəlmiş yeni dələduzluq sxemi barədə xəbərdar edilib.

Milli.Az xəbər verir ki, bu barədə "Just Use" adlı "YouTube" kanalının müəllifi, texnobloger Aleksandr Biryukov öz videosunda məlumat verib.

Onun sözlərinə görə, dələduzlar iOS sisteminin standart parol daxil etmə sorğularına bənzəyən saxta bildirişlər göndərməyi öyrəniblər. Bu bildirişlər istənilən vaxt hətta telefondan adi istifadə zamanı belə ekranda görünə bilər. Bu cür pəncərədə "Apple" ID parolu daxil edildikdə məlumatlar birbaşa dələduzlara ötürülür.

Dələduzlar məlumatları əldə etdikdən sonra cihazı bloklayır və onun açılması üçün pul tələb edirlər. Ekspertlər bildirirlər ki, hətta ödəniş edilsə belə, cihazın açılacağına zəmanət yoxdur. Bəzi hallarda cihaz bloklu qalır və dələduzlar sadəcə tələb etdikləri məbləği artırırlar.

Bloger istifadəçilərə hər hansı parol sorğusuna qarşı diqqətli olmağı və bildirişin səbəbini anlamadan məlumat daxil etməməyi tövsiyə edib. Əgər parol saxta pəncərəyə daxil edilibsə, dərhal "Apple" ID parolunu dəyişmək tövsiyə olunur.

Mina Mikayılova
Milli.Az