Cəmiyyət

Yarımfabrikat mövsümü başladı: Zəhərlənmədən necə qorunaq? - AÇIQLAMA

28 Noyabr 2025 11:11

Baxış: 1 001

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Yarımfabrikat qidaların gizli təhlükələri gündəlik istehlak artdıqca daha çox müzakirə mövzusu olur, çünki insanlar rahatlıq naminə tez hazırlanan məhsullara üstünlük versə də, onların tərkibində gizlənən risklər sağlamlıq üçün ciddi problemlər yarada bilər.

Milli.Az xəbər verir ki, yarımfabrikat qidalar adətən yüksək miqdarda duz, şəkər və trans yağlarla zəngin olur, həmçinin dad artırıcılar, konservantlar və rəngləndiricilər kimi kimyəvi əlavələrdən geniş istifadə edilir.

Bu məhsulların temperatur rejiminin pozulması, bir dəfə dondurulub yenidən əridilməsi kimi hallar bakteriya artımını sürətləndirərək qida zəhərlənməsi riskini də artırır.

Qida mütəxəssisi Ağa Salmanov bildirib ki, yarımfabrikat qidaların tərkibindəki yüksək duz və trans yağlar ürək-damar xəstəlikləri, hipertoniya və piylənmə ehtimalını artırır, konservantlar isə bağırsaq mikroflorasını zədələyərək immun sistemini zəiflədə bilər.

Onun sözlərinə görə, düzgün saxlanılmayan və defrost prosesi pozulan məhsulların istehlakı ciddi zəhərlənmə hallarına səbəb ola bilər və istehlakçılar etiket oxumağa, əlavə maddələri izləməyə xüsusi diqqət yetirməlidir.

Ekspert qeyd edib ki, yarımfabrikat qidalar rahatlıq yaratsa da, onların gizli təhlükələri insan sağlamlığı üçün uzunmüddətli risk daşıyır, buna görə istehlakçılar təbii və təzə məhsullara üstünlük verməli, qida seçimini şüurlu şəkildə etməlidirlər.

Aysel Əkbər
Milli.Az