Cəmiyyət

Azərbaycanda dabaq xəstəliyinin yeni növü yayılır? - AÇIQLAMA

28 Noyabr 2025 09:58

Baxış: 402

VTB-də minimal faiz dərəcəsi ilə nağd kredit 10.49%-dən

#XƏSTƏLİK

Türkiyə və İraqda dabaq xəstəliyinin yeni tipi yayılıb.

Milli.Az xəbər verir ki, Aqrar Xidmətlər Agentliyinin Heyvan Sağlamlıq və Baytarlıq Mərkəzinin rəis müavini Yusif İbrahimov bildirib ki, ölkəmizdə çox sürətli peyvəndlənmə işləri aparılır:

"Dabaq heyvanlar arasında yayılan xəstəlikdir. Bunun nəticəsində də heyvanlar arasında iqtisadi zərər yaranır. Dabaq xəstəliyinə qarşı ildə 2 dəfə peyvəndlənmə işləri aparılır. Amma, bu dəfə Türkiyə, İraqda xəstəliyin başqa növünə də rast gəlinib".

Bəs bu xəstəlik ölkəmizi də gəlib çata bilər?

O bildirib ki, bu riskin qarşısını almaq üçün hər bir heyvan peyvənd olunmalıdır. Vaksinin tərkibinə fermerlər mütləq fikir verməlidirlər. Yəni, hər 4 tipə qarşı immunitent yaradan vitanimlər olmalıdır.

Qeyd edək ki, peyvəndlənmə işləri ilin sonuna kimi mərhələli şəkildə aparılacaq.

Aysel Əkbər
Milli.Az