Cəmiyyət

"Yazılı mətbuat ağır günlərini yaşayır"

12 Noyabr 2025 11:00
Baxış: 653
VTB-də minimal faiz dərəcəsi ilə nağd kredit 9.9%-dən
#MƏTBUAT

"Yazılı mətbuat ağır günləri yaşayır".

Bu sözləri Milli.Az-a açıqlamasında Mətbuat Şurasının sədri Rəşad Məcid deyib.

Onun sözlərinə görə, bu gün texnologiyaların sürətli inkişafı yazılı mətbuatı ciddi çətinliklərlə üz-üzə qoyub.

Uzun illər qəzetlərin Azərbaycan dilinin keşiyində dayandığını, xeyli işlər gördüyünü deyən R.Məcid qeyd edib ki, lakin indi yeni media platformalarının inkişafı, geniş yayılması nəticəsində qəzet oxunması xeyli azalıb.

Nəzərə çatdırıb ki, son illərdə qəzetlərin  yaşaması əsasən dövlət dəstəyi hesabına mümkündür:

"Artıq demək olar ki, bütün qəzetlərin elektron versiyası mövcuddur".

MŞ sədri vurğulayıb ki, sosial media operativliyi baxımından həm yazılı, həm də onlayn medianı çox vaxt üstələyir və bu müəyyən problemlər yaradır. İzah edib ki, sosial şəbəkələrdə peşəkarlıq və məsuliyyət hissi yoxdur:

"Məhz buna görə də yeni media qanunvericiliyində media savadlılığı xüsusi bənd kimi qeyd edilib. Ümid edirəm ki, bu xaotik dövr keçib gedək.  İnsanlar yenidən ciddi, peşəkar jurnalistikaya, dərin təhlillərə, araşdırmalara, şərhlərə ehtiyac duyacaqlar".

Mina Mikayılova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.