Cəmiyyət

“Azparking”dən toplanan pullar hara xərclənir? - AÇIQLAMA

23 Oktyabr 2025 16:41

Baxış: 1 496

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Şəhər həyatında nəqliyyat sıxlığı və parkinq çətin məsələdir. Buna görə də "Azparking" yaradılıb. Vətəndaşlar avtomobillərini parking eləmək üçün müəyyən vəsait ödəyirlər.

Bəs bu yığılan pullar hara xərclənir?

Milli.Az xəbər verir ki, sürücülərin sözlərinə görə, parklanmaya gündəlik min 5-10 manat verirlər. Amma bu pulların hara getdiyindən xəbərsizdirlər.

Məsələ ilə bağlı "Azparking"dən bildirildi ki, vəsaitlər parklanma yerlərinin idarə olunması və saxlanılmasına, yəni kommunal, mühafizə, təsərrüfat və rabitə xərcləri, parklanma ilə əlaqədar yol infrastrukturu xərclərinin ödənilməsi, parklanma ilə əlaqədar tətbiqlərin yaradılması və onların saxlanılması, parklanma ilə bağlı maarifləndirmə və təbliğat işləri, nəqliyyat vasitələrinin saxlanılması üçün balanslarında olan qaraj və duracaqların idarə olunması və saxlanılması, yol hərəkətlərinin təşkilinin texniki vasitələrinin tətbiq edilməsi, ümumi istifadədə olan avtomobil nəqliyyat vasitələri ilə müntəzən sərnişindaşıma və ona aid infrastrukturun inkişaf etdirilməsi üzrə istifadə olunur.

Deputat Vüqar Bayramovun sözlərinə görə, parklanmadan əldə edilən vəsaitlərin aylıq məbləği ilə bağlı ictimaiyyətə mütamadi məlumat verilməlidir. Parklanmada elektron xidmətin formalaşmasına da ehtiyac var.

Aysel Əkbər
Milli.Az