Cəmiyyət

Bir qrup avropalı jurnalist cəbhə bölgəsində olub

25 İyul 2012 17:58
0 Şərh     Baxış: 689
VTB-də minimal faiz dərəcəsi ilə nağd kredit 9.9%-dən
#IL SOLE 24 ORE SPA #GRUPPO EDİTORİALE L'ESPRESSO SPA
Milli.Az Kanal S-ə istinadən xəbər verir ki, İtaliyanin "İL sole 24 Ore" gündəlik biznes qəzetinin xarici əlaqələr uzrə muxbiri Roberto Bongiorni, "Reuters" agentliyinin Brüsseldəki müxbiri Francesco Guarascio, fotoqraf Ezequiel Mauro Scagnetti, İtaliyanın "L'Espresso", İspaniyanin "El Pais" qəzetlərində, Avropa Parlamenti televiziyası olan " EuroParlTV" də müxbir işləyən Alberto D'Argenzio Ağdam rayonunun işğal olunmamış ərazilərində və cəbhəyanı yaşayış məntəqələrində olublar.

Əvvəlcə Ağdam Rayon İcra Hakimiyyətində olan xarici KİV nümayəndələrinə Ermənistan-Azərbaycan, Dağlıq Qarabağ münaqişəsi və Azərbaycandan olan qaçqın və məcburi köçkünlərin vəziyyəti haqqında məlumat verilib. Daha sonra avropalı müxbirlər məcburi köçkünlər üçün salınmış qəsəbədə məcburi köçkünlərlə görüşüblər. Səfərləri çərçivəsində qonaqlar təmas xətti boyunca düşmən mövqelərinə ən yaxın məsafədə yerləşən Çıraqlı kəndinə gedib, yerli sakinlərin həyat şəraiti ilə yaxından tanış olublar.

İtaliyalı jurnalist Alberto D'Argenzio: "Bizim üçün ən önəmli faktor budur ki, biz real situasiyanı və sakinlərin necə yaşadığını görə bilirik. Burada insanların vəziyyətini, onların hansı şəraitdə yaşadığını görmək bizim üçün çox vacibdir. Biz özümüz şahid oluruq ki, burada onlar hansı şəraitdə, necə ağır vəziyyətdə yaşayırlar".

Səfərin sonuna yaxın, qonaqlar Soltanpud təpəsinin üstündə qurulmuş Bayraq Meydanı və torpaqlarımızın bütövlüyü uğrunda şəhid olan soydaşlarımızın abidə komplekslərinə baş çəkiblər.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.