Cəmiyyət

Qaradağ sakininin başına qəribə hadisə gəldi - Sən demə səhvən...

3 İyun 2025 17:32

Baxış: 2 304

VTB-də minimal faiz dərəcəsi ilə nağd kredit 9.9%-dən

#CƏMİYYƏT #SÜRÜCÜ #CƏRİMƏ

Qaradağ rayonu Qobustan qəsəbəsində yaşayan sakinin başına qəribə hadisə gəlib. İllərdir avtomobilini sürmədiyi yolda cərimə gəlib. Maraqlıdır ki, cərimədə qeyd olunan avtomobil nömrəsi onun idarə etdiyi avtomobil dövlət nişanından bir hərfə görə fərqlənir. Üstəlik maşınların markaları da fərqlidir.

Bəs bu necə olub?

Milli.Az xəbər verir ki, şikayətçi Sübhan İsayevin sözlərinə görə, ad günündə ona Babək prospektində cərimə gəlib. Sübhan bildirir ki, məsələ ilə bağlı aidiyyatı orqanlara şikayət etsə də problem həll olunmayıb. Nəticədə maşını texniki baxışdan da keçirdə bilmir.

Məsələ ilə bağlı DİN-dən bildirildi ki, aparılmış araşdırma zamanı məlum olub ki, konkret bir nəqliyyat vasitəsinə dair sistem tərəfindən qeydə alınmış qayda pozuntusu texniki xətadan qaynaqlanır. Bu hal operativ şəkildə araşdırılıb, texniki səhv aradan qaldırılıb və hüququ əsaslar üzrə ləğv olunub.

Aysel Əkbər
Milli.Az