Qısa sərinlik, uzun müddətli zərər: Qazlı içkilərin ZƏRƏRLƏRİ

20 May 2025 05:05

Baxış: 1 140

VTB-də minimal faiz dərəcəsi ilə nağd kredit 9.9%-dən

Yayın gəlişi ilə insanlar sərinləmək üçün qazlı içkilərdən istifadəni artırır.

Bəs gündəlik qazlı suların və içkilərin içilməsi bizi xoş etdiyi kimi, daxili orqanlarımızı da xoş edə bilirmi?

Məsələ ilə bağlı Milli.Az-a qida eksperti Ağa Salmanov açıqlama verib:

"Mineral tərkibli suların istehlakı, yəni içilməsi qazlı içkilərin içilməsindən daha çox məqsədəuyğundur. Rəngli, qazlı içkilərin tərkibində mineral yoxdur. Mineral olmadığı təqdirdə insanın orqanizmi doymur. Bədən istədiyini almadığı üçün yenidən susama olur, Əvvəlki illərlə müqayisə insanlar qazlı suların ziyanın və arxasında duran riskəri bilib artıq daha az istifadə etdiyini görürük".

Mövzu ilə bağlı terapevt Sübhan Hacıyev bildirib ki, qısa müddətlik sərinlik hissi uzun müddətli problemlərə yol aça bilər:

"Qazlı şirin suların tərkibində olan bir miqdar şəkərlər, karbondioksid, konservantlar, eyni zamanda rəngləndirici və dadlandırıcı maddələr insan orqanizminə mənfi təsir göstərir. Bu mənfi təsir daha çox özünü mədə, bağırsaq sistemində özünü göstərir".

Bəs mineral tərkibli suların faydaları nələrdir?

"Mineral tərkibli sular bədəndəki maye balansını təmin etməyə kömək edir və mineralların, xüsusən də kalsium, maqnezium və natriumun çatışmazlığını aradan qaldırır. Onlar həzm sisteminin yaxşı işləməsinə dəstək olur, detoksifikasiya prosesini sürətləndirir və dərini canlandırır. Həmçinin, əzələ və sümük sağlamlığını dəstəkləyərək, enerji səviyyəsini artırır".

Aysel Əkbər
Milli.Az

Qısa sərinlik, uzun müddətli zərər: Qazlı içkilərin ZƏRƏRLƏRİ

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?