Cəmiyyət

Bir şagirdin "Son zəng" xərci nə qədərdir? - AÇIQLAMA

9 May 2025 07:07

Baxış: 628

VTB-də minimal faiz dərəcəsi ilə nağd kredit 10.49%-dən

#MƏKTƏB #ŞAGİRD

Hər il məktəblərdə keçirilən məzun mərasimi şagirdlər üçün həm sevincli, həm də unudulmaz gündür. Bu sevincli günün hazırlıqları əyləncəli olmaqla yanaşı, həm də müəyyən xərc tələb edir.

Milli.Az xəbər verir ki, şagirdlərin sözlərinə görə, tələblər artdıqca xərclər də artır.

Geyim seçimi, rəqs məşqləri, fotoqraf tələbi bu günün əsas amillərindəndir.

Rəqs müəlliməsi Aysel Hüseynova bildirir ki, bu günə özəl rəqslər üçün 8 dərs kifayət edir. Buna görə isə 1 ay qabaqcadan hazırlaşırıq. Şagirdlər adətən 2 rəqs seçir:

"Milli və vals rəqsləri onlar üçün daha maraqlıdır. Rəqsin qiymətinə gəldikdə isə nə qədər çox şagird rəqsdə iştirak edirsə, qiymət bir o qədər aşağı olur. Hardasa 40-50 manat civarı olur".

Fotoqraf isə Fuad Nəbiyev bildirir ki, uşaqlar bu xatirənin daha yaxşı lentə alınması üçün fotoqraf seçimində sərbəstdilər. Qiymət burda da uşaq sayına görə dəyişir. Çəkilişlər minumum 20 manatdan başlayır. "Veçer" daxildirsə, 35-40 manat arası olur.

Məzun geyimi isə bu xüsusi günün simvolu sayılır. Geyimlərin qiyməti materialın keyfiyyəti və dizaynına görə dəyişir. Sadə geyimlər 50 manatdan başlayır, lakin xüsusi dizaynda geyimlər isə daha da bahadır.

Ümumilikdə bir məzunun həmin günü başa çatdırması üçün 200-250 manat lazım olur.

Aysel Əkbər
Milli.Az