Cəmiyyət

Zədələnmiş pulları necə dəyişə bilərik?

11 Yanvar 2025 11:17

Baxış: 1 739

VTB-də minimal faiz dərəcəsi ilə nağd kredit 9.9%-dən

#MANAT #PUL #MƏRKƏZİ BANK

Zədələnmiş və ya qəzalı vəziyyətdə olan pulların dəyişdirilməsi prosesi Azərbaycan Mərkəzi Bankı və kommersiya bankları tərəfindən tənzimlənir.

Milli.Az xəbər verir ki, Mərkəzi Bank və banklar zədələnmiş pul vahidlərini müəyyən şərtlərlə qəbul edir və əvəz edirlər.

Zədələnmiş banknot və sikkələrin dəyişdirilməsi müəyyən şərtlər daxilində mümkündür. Banknotun cırılmış və ya zədələnmiş hissəsinin nə qədər olduğu onun dəyişdirilməsi ilə bağlı mühüm amildir. Əgər banknotun yarısı və ya daha çoxu mövcudsa, bu halda dəyişdirilmə prosesi mümkündür. Lakin ciddi şəkildə cırılmış və ya silinmiş pulların dəyişdirilməsi çətinləşir.

Sikkələrin dəyişdirilməsi də mümkündür, lakin əgər üzərindəki məlumatlar tamamilə silinibsə, onların dəyişdirilməsi mümkün olmaya bilər.

Harada dəyişdirmək olar?

Zədələnmiş pulları dəyişdirmək üçün əsasən iki yerə müraciət etmək mümkündür:

Mərkəzi Bank ölkənin əsas maliyyə qurumu olaraq zədələnmiş banknot və sikkələrin dəyişdirilməsini həyata keçirir. Banknotlar zədələnmiş olsa belə əgər ciddi şəkildə parçalanmayıbsa, onların dəyişdirilməsi mümkündür.

Bəzi kommersiya bankları da zədələnmiş pulları qəbul edərək müvafiq şəkildə dəyişdirirlər. Lakin, bu xidmət hər bankda mövcud olmaya bilər, ona görə də müraciət etməzdən əvvəl bankın bu xidməti təqdim edib-etmədiyini yoxlamaq vacibdir.

Zədələnmiş pulların dəyişdirilməsi üçün tələb olunan sənədlər hansılardı?

Zədələnmiş pulları dəyişdirmək üçün şəxsiyyət vəsiqəsi və ya pasport tələb oluna bilər. Həmçinin, banklar əlavə olaraq digər sənədlər də tələb edə bilər. Bu sənədlər dəyişdirilən pulların qanuni yolla əldə edildiyini sübut etmək məqsədilə tələb olunur.

Asya
Milli.Az

Milli.Az - Xəbər Portalı

Zədələnmiş pulları necə dəyişə bilərik?

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?