Cəmiyyət

QAİ-də həmrəylik günü ilə bağlı tədbir keçirildi - FOTOlar

24 Dekabr 2024 13:12

Baxış: 1 274

VTB-də minimal faiz dərəcəsi ilə nağd kredit 9.9%-dən

22 dekabr 2024-cü il tarixdə Sumqayıt şəhərində Qərbi Azərbaycan Gorus rayon icmasının təşkilatçılığı ilə 31 dekabr Dünya azərbaycanlılarının Həmrəylik günü və Yeni il münasibətilə tədbir keçirilmişdir.

Tədbirdə Qərbi Azərbaycan İcması aparatının rəhbəri Qalib Qasımov, rayon icmasının sədri Etibar Həsənov, kənd icma sədrləri, rayon Ağsaqqallar şurasının, Qadınlar şurasının və Gənclər şurasının məsul şəxsləri, həmçinin rayonun beş kəndini təmsil edən icma üzvləri iştirak etmişlər.

Tədbirdə çıxış edən Gorus rayon icmasının sədri Etibar Həsənov icmanın 2024 - cü il ərzində "Qayıdış konsepsiyası"nın müddəalarına uyğun olaraq göstərdiyi fəaliyyət çərçivəsində keçirilən tədbirlər barədə ətraflı hesabat nitqi söyləmiş və qarşıdan gələn 2025-ci il üçün tədbirlər planının layihəsinin hazır olduğunu və hazırda təsdiq olunma mərhələsində olan İcmanın İdarə Heyətinin üzvləri ilə müzakirə edildikdən sonra yeni ildən icrasına başlanılacağını icma üzvlərinin diqqətinə çatdırmışdır.

Tədbirdə iştirak edən QAİ-nın aparat rəhbəri Qalib Qasımov Gorus rayon icmasının üzvlərini İcma sədri, Milli Məclisin üzvü Əziz Ələkbərlinin adından salamlayaraq, İcmanın yaranma tarixi, məqsədi və fəaliyyət prinsipləri haqqında geniş məlumat verərək, qarşıya qoyulan vəzifələrin icrası istiqamətində rayon, kənd icma üzvlərinin xüsusilə də gənclərin fəallıq göstərmələrinin zəruri olduğunu vurğulamışdır.

Aysel Əkbər
Milli.Az