Cəmiyyət

Bəzi kosmetoloqlar "gözəllik qurban tələb edir" sözünü səhv başa düşürlər - SÜNİ GELİN FƏSADLARI

22 Dekabr 2024 06:48

Baxış: 1 561

VTB-də minimal faiz dərəcəsi ilə nağd kredit 9.9%-dən

#CƏMİYYƏT #PLASTİK CƏRRAHİYYƏ #QADIN #KOSMETİKA #HƏKİM

Qadınların bir çoxu xarici görünüşlərində müxtəlif dəyişikliklər etmək üçün kosmetoloji prosedurlara ehtiyac duyurlar.

Milli.Az xəbər verir ki, bəzən bu dəyişiklik fəsadlarla nəticələnir.

Müşahidələr göstərir ki, bəzi kosmetoloqlar "gözəllik qurban tələb edir" ifadəsini yanlış anlayıblar. Onların istifadə etdiyi süni keyfiyyətsiz gellər ciddi fəsadlara yol açır. Burnuna dolğu etdirən bloger Nuray Muxtarovanın burun qığırdağının və daha əvvəl Leyla Mirzəliyeva adlı modelin bədəninin müəyyən nahiyəsinə dolğu vurduqdan sonra çürüməsi bunu sübuta yetirdi.

Estetik cərrah Gündüz Bayramın sözlərinə görə, dolğudan sonra çürümə halları ilə bağlı müraciətlərin sayı günü-gündən artır. Bu dolğular uzun müddət orqanizmdən xaric olmur, fəsadlarının nə zaman ortaya çıxacağını təyin etmək isə mümkün deyil. "Təbii dolğu vurdurmaq olar, amma 40 yaşdan sonra. Qadınların gənc yaşda dolğu etdirməsi məsləhət deyil. Çünki sovrulandan sonra sallanmaya səbəb olur", - deyə həkim söyləyib.

Kosmetoloji gellərin əsasən xaricdən gətirildiyini nəzərə alaraq ölkəyə keçirilməsi üçün icazəsinin alındığı Dövlət Gömrük Komitəsindən bildirilib ki, kosmetoloji prosedurlar zamanı istifadə edilən gellərin ölkəyə gətirilməsi Səhiyyə Nazirliyi tərəfindən verilən gigiyenik sertifikat əsasında həyata keçirilir. Süni və ya təbii üsullarla hazırlanmasından asılı olmayaraq, bu qəbildən olan məhsullar müvafiq sertifikatla təmin olunmadığı təqdirdə ölkəyə gətirilməsinə icazə verilmir.

Milli.Az