Cəmiyyət

Qeydiyyatsız yaşayanlarla bağlı PROBLEM: Çətinliklər yaranır

7 Dekabr 2024 12:22

Baxış: 2 656

VTB-də minimal faiz dərəcəsi ilə nağd kredit 9.9%-dən

"Qeydiyyatsız yaşayan sakinlərin sayı çoxdur. Bu da uşaqların təhsilində çətinliklər yaradır".

Milli.Az xəbər verir ki, bu sözləri Milli Məclisin Ailə, Qadın və Uşaq Məsələləri Komitəsinin iclasında Sabunçu Rayon İcra Hakimiyyəti başçısının müavini Rəna Vəliyeva, uşaqların ad və soyadlarının dəyişdirilməsi məsələsinin Yetkinlik Yaşına Çatmayanların Hüquqlarının Müdafiəsi üzrə Komissiyalarda müzakirə olunmasını təklif edib.

Vəliyeva bildirib ki, əvvəllər bu proseslər Qəyyumluq və Himayəçilik Komissiyaları tərəfindən edilirdi. Lakin, komissiyanın əsasnaməsində bu məsələyə dair bir maddə mövcud olmadığı üçün, həmin məsələnin Yetkinlik Yaşına Çatmayanların Hüquqlarının Müdafiəsi üzrə Komissiyaya tapşırılmasını təklif edib.

"Həmçinin, xüsusilə Bakı şəhərində qeydiyyatsız yaşayan uşaqların sayının çoxluğuna diqqət çəkib. Daxili miqrasiya ilə əlaqədar olaraq bu uşaqların təhsil və bəzi sosial hüquqlarının təmin edilməsi çətinləşir. Əvvəllər qeydiyyat məsələsi yerli polis şöbələrində həll olunurdu, amma bu təcrübə artıq tətbiq olunmur. Nəticədə, valideynlər uşaqlarını ali məktəblərə sənəd verməyə hazırlaşarkən qeydiyyata almaq üçün müraciət edirlər. Vəliyeva, komissiyaların uşaqların müvəqqəti olaraq tanışlarının və ya yaxın qohumlarının evində qeydiyyata alınmasına imkan verməsi ilə bu problemin aradan qaldırıla biləcəyini vurğulayıb".

Milli.Az