Cəmiyyət

Bazarlarda bu məhsul kəskin ucuzlaşdı, alıcı yoxdur

26 Noyabr 2024 08:00

Baxış: 8 290

VTB-də minimal faiz dərəcəsi ilə nağd kredit 9.9%-dən

#BAZAR

Hava soyuyarkən, bazarlarda balığa tələbat artır.

Milli.Az xəbər verir ki, balıq bazarında yerli məhsulların qiymətləri artıb, alıcıların sayı isə azalıb.

Bunun əsas səbəbi balıq yeminin qiymətinin yüksəlməsi və Xəzər dənizinə məxsus balıqların sayının az olmasıdır.

Xaricdən gətirilən dəniz məhsulları bazarda daha çox tələbat görür, xüsusilə Qara dəniz məhsulları bazarda liderlik edir.

Balıq satışı üzrə mütəxəssis İlkin Novruzov qeyd edir ki, hazırda ən çox tələbat olan balıq növləri levrək, çupra və qızılbalıqdır. Yerli balıqlar isə bazarın yalnız 10 faizini təşkil edir.

O, həmçinin bildirib ki, xarici balıqlar arasında ən bahalı növ salmondur. Əvvəllər 30-35 manat aralığında satılan bu balığın qiyməti indi 40-45 manat arasında dəyişir. Nərənin qiyməti əvvəl 50-55 manat idisə, indi 40-35 manatdır. Forel isə əvvəl 18-20 manata satılırdı, indi isə 14 manata qədər ucuzlaşıb.

Qeyd edək ki, balıq bazarında piştaxtaları bəzəyən xarici balıq çeşidləri Rusiya, Qazaxıstan, İran, və Türkiyədən idxal edilir.

Aysel Əkbər
Milli.Az