Cəmiyyət

Əhməd sonuncu məhkəmədə geyindiyi köynəklə mesaj verib? – Üzərində nə yazılmışdı? - FOTO

11 Oktyabr 2024 15:09

Baxış: 15 490

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Beş ailə üzvünü qətlə yetirməkdə ittiham olunan Əhməd Əhmədovun sonuncu məhkəmə prosesində geyindiyi köynək diqqət çəkib.

Milli.Az savashmedia.az-a istinadla xəbər verir ki, həmin köynəyin üzərində "Traditional Art" yazısı qeyd olunub. Bu isə ingilis dilindən tərcümədə "ənənəvi sənət" anlamına gəlir.

Maraqlıdır, cəzasının sərtləşdirildiyi son məhkəməyə məhz bu köynəklə gəlməsi təsadüfdür? Yoxsa, o, bununla da hansısa mesajı verməyə çalışıb?

Əhmədin müzakirələrə səbəb olan məhkəmə qərarı ilə bağlı Rəsmi açıqlama

Xatırladaq ki, Bakıda beş ailə üzvünü qətlə yetirməkdə ittiham olunan Əhməd Əhmədovun cinayət işi üzrə məhkəmə prosesi yekunlaşıb.

Məhkəmənin hökmünə əsasən, Əhməd Əhmədov cəzadan azad edilib. Onun barəsində ixtisaslaşmış psixatriya xəstəxanasında (Respublika Psixiatriya Xəstəxanası) məcburi müalicə tətbiq edilməsi barədə qərar çıxarılıb.

Qeyd edək ki, bu il fevralın 13-də 1999-cu il təvəllüdlü Əhməd Əhmədovun aralarında yaranmış mübahisə zamanı atası - 1972-ci il təvəllüdlü Mehman Əhməd oğlu Əhmədovu, anası - 1977-ci il təvəllüdlü Pikə Bədəl qızı Əhmədovanı və qardaşı 2015-ci il təvəllüdlü Məhəmməd Mehman oğlu Əhmədovu, bundan əvvəl başqa bir ünvanda isə bacısı - 1997-ci il təvəllüdlü Elmira Əhmədovanı və onun azyaşlı qızını qətlə yetirib.

Milli.Az