Dünya

Macarıstan hökuməti Britaniya Kralına hədiyyə olunan atları geri istəyib

13 Sentyabr 2026 12:22

Baxış: 1 135

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #BRİTANİYA

Macarıstan səhvən Böyük Britaniya Kralı III Çarlzdan 2024-cü ildə ona hədiyyə edilmiş iki Lipizzaner atını geri qaytarmağı tələb edib.

Milli.Az musavat.com-a istinadən bildirir ki, iyul ayında Bukinhem Sarayı Macarıstan Kənd Təsərrüfatı Nazirliyindən atların gətirildiyi fermaya qaytarılmasını tələb edən məktub alıb. Qəzetin məlumatına görə, Macarıstan hakimiyyəti daha sonra tələbin inzibati səhvin nəticəsi olduğunu etiraf edib.

Böyük Britaniyadakı Macarıstan səfirliyi qəzetə bildirib ki, atlar "əvvəlcə nəzərdə tutulduğu kimi" Birləşmiş Krallıqda qalacaq. "The Telegraph" həmçinin qeyd edib ki, Macarıstan Kənd Təsərrüfatı Nazirliyi məktubun göndərildiyini təsdiqləyib, lakin onun ifadəsinin "dəqiq olmadığını" aydınlaşdırıb.

Qeyd edək ki, keçmiş baş nazir Viktor Orbanın rəhbərlik etdiyi Macarıstan hökuməti tərəfindən III Çarla Nelson və İveko adlı iki at onun taxta çıxması münasibətilə hədiyyə edilib.

Müəllif: Tural Hüseyn (Milli.Az redaktor)