Cəmiyyət

Paytaxtda məktəbin qarşısındakı ciddi təhlükə: Zolaqlar silinib... - VİDEO

30 Mart 2024 18:23
Baxış: 775
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakıda məktəblərin birinin qarşısında ciddi təhlükə var. Yəni məktəbin qarşısından keçən yolda zolaqlar silinib, tramplinlər yararsız vəziyyətə düşüb.

Milli.Az Xəzər TV-yə istinadən bildirir ki, nəticədə avtomobillər üçün maneə aradan qalxıb və sürücülər sürətli sürməyə başlayıblar.

Söhbət Bakının Sabunçu rayonu, Muxtarov qəsəbəsi, şəhid Əmrulla Əliyevin adına olan küçədən gedir. Bu küçədə yerləşən 78 saylı tam orta məktəbin şagirdləri üçün hər an təhlükə var.

Əvvəllər burada süni maneəyə görə, sürücülər sürəti aşağı salırdılar. İndi isə nadir hallarda buna əməl edilir.

Sakinlər aidiyəti qurumlardan bu təhlükəni nəzərə alıb real addım atılmasını istəyirlər.

Məsələ ilə bağlı Yerüstü Nəqliyyat Agentliyindən bildirildi ki, əraziyə baxış keçiriləcək və lazımı tədbirlər görüləcək.

Mövzu ilə bağlı daha ətraflı videomaterialı təqdim edirik:

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.