Cəmiyyət

Özünü “Azəriqaz”ın əməkdaşı kimi təqdim etdi, taksi sürücüsünün telefonunu götürüb qaçdı - TƏFƏRRÜAT

18 Noyabr 2023 13:19

Baxış: 864

#HADİSƏ #CƏMİYYƏT #KRİMİNAL #METRO #TAKSİ #CİNAYƏT #AZƏRİQAZ

Özünü "Azəriqaz"ın əməkdaşı kimi təqdim edən şəxs taksi sürücüsünün telefonunu oğurlayıb.

Milli.Az bildirir ki, zərərçəkmiş Vasif Məmmədov Day.Az-a açıqlamasında hadisənin "Koroğlu" Metrostansiyasının ətrafında baş verdiyini deyib.

O bildirib ki, həmin şəxs telefonu ondan danışmaq üçün istəyib: "Axşam saatlarında bir nəfər maşına əyləşdi. Binə sürməyimi istədi. Qəsəbədə bir neçə ünvanda dayandıq. Özünü "Azərqaz"ın əməkdaşı kimi təqdim eedirdi. Daha sonra "Koroğlu" metrosuna gəldik. Metoya çatanda telefonumu istədi ki, zəng vursun. Məndə verdim. Danışa-danışa maşından düşdü. Anidən qaçmağa başladı. Maşını pis yerdə saxladığımı üçün arxası ilə qaça bilmədim".

Vasif Məmmədovun sözlərinə görə, həmin şəxs Binə qəsəbəsində qaz borcu çox olan obonentləri tanıyırdı. "Orada qaza çox borcu olan sakinlərdən pul aldı. Bir qadından 60 manat aldığını dəqiq bilirəm".

Qeyd edək ki, hadisə anı təhlükəsizlik kameralarına düşüb.

Zərərçəkmiş Bakı şəhəri Nizami Rayon Polis İdarəsinin 23-cü Polis Bölməsinə ərizə ilə müraciət edib. Fakt araşdırılır.

Milli.Az

Xəbərlərimizi WhatsApp kanalımızdan da oxuyun