Cəmiyyət

Sürülməyən avtomobilə görə cərimə yazılıb - VİDEO

8 May 2023 20:36

Baxış: 1 237

VTB-də minimal faiz dərəcəsi ilə nağd kredit 10.49%-dən

#VİDEO

Uzun müddətdir istismar edilməyən avtomobil texniki baxışdan keçirilmədiyi üçün maşının sahibinə cərimə yazılıb.

Milli.Az Xəzər Xəbər-ə istinadən xəbər verir ki, bu iddianı Bakı sakini Etibar Həsənov səsləndirib.

O iddia edir ki, aylardır istifadə etmədiyi avtomobilə görə ona cərimə gəlib. Sürücü deyir ki, maşının mühərrikində problem yarandığı üçün ötən ilin noyabr ayından nəqliyyat vasitəsini yaşadığı binanın yaxınlığında saxlayıb.

Etibar Həsənov iddia edir ki, qanunvericiliyə əsasən hərəkətdə olmayan nəqliyyat vasitəsinə texniki baxışla bağlı protokol tərtib edilə bilməz. O, buna görə yazılan cərimənin ləğv edilməsini istəyir.

Məsələ ilə bağlı Baş Dövlət Yol Polisi İdarəsindən bildirildi ki, bununla bağlı araşdırma aparılacaq.Yekun qərar araşdırmanın nəticəsinə uyğun olaraq veriləcək.

Xezerxeber.az mövzu ilə bağlı daha ətraflı videomaterialı təqdim edir:

Milli.Az