Cəmiyyət

Azərbaycan əhalisi pullarının çoxunu bu məhsullara xərcləyir

23 Yanvar 2023 21:07
Baxış: 1 020

2022-ci ilin yanvar-noyabr aylarında Azərbaycanda istehlakçıların pərakəndə ticarət şəbəkəsində xərclədiyi vəsaitin 56,2 faizi ərzaq məhsulları, içkilər və tütün məmulatlarının alınmasına xərcləyib.

Bu barədə Trend-ə Dövlət Statistika Komitəsindən məlumat verilib.

Bununla yanaşı, əhali vəsaitlərinin 14,7 faizini toxuculuq məhsulları, geyim və ayaqqabıların, 5,6 faizi avtomobil benzini və dizel yanacağının, 5,0 faizi elektrik malları və mebellərin, 2,1 faizi əczaçılıq məhsulları və tibbi ləvazimatların, 1,0 faizi kompüterlər, telekommunikasiya avadanlıqları və çap məhsullarının, 15,4 faizi isə digər qeyri-ərzaq mallarının alınmasına sərf edib.

Ümumilikdə qeyd olunan müddət ərzində pərakəndə ticarət şəbəkəsində istehlakçılara 45 milyard 111,0 milyon manatlıq məhsul satılıb.

Qeyd edək ki, 2021-ci ilin yanvar-noyabr ayları ilə müqayisədə 2022-ci ilin eyni dövründə pərakəndə ticarət dövriyyəsi real ifadədə 3,0 faiz, o cümlədən ərzaq məhsulları, içkilər və tütün məmulatları üzrə 2,2 faiz, qeyri-ərzaq malları üzrə 3,8 faiz artıb.

Milli.Az

İllik 12,99%-dən 40 000 manatadək zaminsiz komissiyasız kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics