Cəmiyyət

Cavanşir Paşazadə polkovnikin videolarından DANIŞDI: “Xarici ölkələrdən də baxırlar..."

16 Avqust 2022 20:30
1 Şərh     Baxış: 1 681

"Son günlər sosial şəbəkələrdə bu kimi məsələlər aktualdır. Yayılan videoları mən də görürəm. O videoların saytlara qoyulmasını və onların cəmiyyətdə nümayiş olunmasını isə heç də doğru hesab etmirəm. Buna bizim gənclərimiz, dövlətimizin aparıcı strukturunda çalışan, həm siyasi, həm də sosial sahələrdə xüsusi xidmətləri olan xanımlarımız da baxır. Buna gələcəkdə həmin qadınların, eləcə də universitetlərdə oxuyan və işləmək istəyən qızların ailələrində müəyyən problemlər yarada biləcək və təsir göstərə biləcək amil kimi baxıram. Bu həmçinin gender məsələlərimizə və qadınlarla kişilər arasındakı münasibətlərə də təsirini göstərə bilər. Ona görə də buna qarşıyam. Ümumiyyətlə, dövlət təşkilatlarında, eləcə də digər sahələrdə bu kimi məsələlərin olması qeyri-qanuni və qəbuledilməzdir. Oxuyaraq, ali savad alaraq bu səviyyəyə gələnlər polkovnikdən, onun tabeliyində olan insanlardan hansı tərbiyəni götürəcəklər?!"

Milli.Az pravda.az-a istinadən bildirir ki, bunu Milli Məclisin deputatı Cavanşir Paşazadə deyib.

"Xəbərləri saytlardan oxuyuram: kim kimin qohumudur, adamıdır və s. Belə əməlləri törədənlər düşünürlər ki, onların sirrini heç kim açmayacaq. Onlar qudurğanlıqla bu hərəkətləri etməklə kifayətlənməyərək, videoya da çəkirlər. Sonrada isə bu videoları dosta, tanışa göndərirlər. 2014-ci ildə çəkilən videonun indi yayılması da maraqlı amildir. Nəyə görə bu video uzun müddət gizlədilib və sonradan ortaya çıxıb? Bu videoların əvvəlini görməmişik və onların yalnız bir hissəsini görmüşük. Ona görə də bilmirik ki, bəlkə o adam iş səlahiyyətlərindən istifadə edərək oradakı qadınlara qarşı müəyyən təzyiqlər göstərib və məhz buna görə də onlar bu məsələyə razı olublar. Bu faktı yoxlamaq lazımdır. Bu məsələ həm dövlətçiliyimizə, həm də insanlığa ziyan vuran məsələdir. Xarici ölkələrdən də bizə baxırlar. Bu bizim milli mentalitetimizə yaraşmayan hərəkətdir, qınayıram. Saytlarımızda bu xəbərin geniş şəkildə tirajlanması da düzgün deyil. Bunu fərdi şəkildə aidiyyatı strukturlar, orqanlar araşdırmalıdır. Nəyə görə bu məsələ 2014-cü ildən bəri açılmayıb və yalnız indi bu məsələnin üstü açılıb? Bunun arxasında müəyyən məqsədlər ola bilər", - deyə C.Paşazadə qeyd edib.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics