Cəmiyyət

Müharibə iştirakçısı olmasından sui-istifadə etdi, "döyüldüyü" təəssüratı yaratdı - VİDEO

25 May 2022 21:57
Baxış: 1 445

Sosial şəbəkələrdə Suraxanı Rayon İcra Hakimiyyətində guya Vətən Müharibəsi iştirakçısının döyülməsi haqda məlumat yayılıb.  İddiaya görə, 3-cü qrup əlil Hikmət Əsgərov Suraxanı rayonu ərazisində alınmış 3 sot torpaqda ev tikmək istəyib, amma Suraxanı RİH-nin əməkdaşları heç bir xəbərdarlıq etmədən evi söküb, qazini isə döyüblər.

Milli.Az xəbər verir ki, məsələ ilə bağlı demokrat.az-a Suraxanı RİH-dən bildirilib ki, səslənən iddialar böhtandır.

Məlumata görə, Gədəbəy rayonu, Daryurd kəndində qeydiyyatda olan Hikmət Əsgərov Vətən müharibəsi iştirakçısı olmasından sui-istifadə edərək Suraxanı rayonu ərazisində özbaşına tikinti aparılması məqsədilə müxtəlif vətəndaşlara himayədarlıq edib.

Suraxanı RİH yanında "Özbaşına tikintilərə qarşı mübarizə və məhkəmədənkənar torpaq mübahisələrinin həlli üzrə komissiya"nın üzvləri tərəfindən rayon ərazisində keçirilən reyd zamanı məlum olub ki, H.Əsgərov Hövsan qəsəbəsi Südçülük sovxozu ərazisində yerləşən torpaq sahəsində heç bir hüquq müəyyənedici sənədlər olmadan özbaşına tikinti işləri aparır.  

Polis əməkdaşlarının iştirakı ilə tikintinin qarşısı alınıb və H.Əsgərova tövsiyə olunub ki, "Dövlət şəhərsalma nəzarətinin həyata keçirilməsi Qaydaları"nın 4.3. bəndinə tələblərinə əsasən, işləri dayandırsın. 

İcra Hakimiyyətindən bildirilib ki, H.Əsgərova komissiya üzvləri tərəfindən heç bir fiziki təzyiq göstərilməyib və o "döyüldüyü" təsəvvürü yaratmaq üçün özünə qəsdən xəsarət yetirib.

Hadisə yerindən çəkilmiş videodan da aydın görünür ki, H.Əsgərova qarşı heç bir zorakılıq edilməyib, o özü-özünə zərbələr endirir.

Milli.Az

İllik 14.5%-dən 30 000 manat zaminsiz komissiyasız kredit

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics