Cəmiyyət

Göyçayda körpü təhlükəli vəziyyətdədir - VİDEO

21 May 2022 13:52

0 Şərh Baxış: 872

VTB-də minimal faiz dərəcəsi ilə nağd kredit 9.9%-dən

#VİDEO

Göyçayın Cırqurd kəndində yerləşən körpü yararsız vəziyyətə düşüb. Körpünün bu vəziyətdə olması sakinləri narahat edir.

Körpünün hər an uçma təhlükəsi var. Sakinlər iddia edirlər ki, dəfələrlə aidiyyəti qurumlara müraciət etsələr də, nəticəsi olmayıb.

Milli.Az Xəzər TV-yə istinadən xəbər verir ki, körpü istər avtomobillərin, istərsə də piyadaların hərəkəti olduqca təhlükəlidir.

Sakinlərin sözlərinə görə, yağışlı havalarda vəziyyət daha da çətinləşir.

Məsələ ilə bağlı Azərbaycan Avtomobil Yolları Dövlət Agentliyinin 17 saylı idarəsində olduq. Qurumun mühəndisi Urfan Mütəllimov bildirdi ki, sözügedən körpü və onun mühafizə hissəsinə düşən yol Baş Şirvan Kollektoru İstismarı İdarəsinin balansındadır. Adıçəkilən idarədən isə bildirildi ki, qəzalı vəziyyətdə olan körpü onların balansında deyil.

Mil-Qarabağ və Aşağı Şirvan Kollektoru İstismarı İdarəsinin rəisi Valeh Qaraşov da bənzər açıqlama verib. Bildirib ki, Göyçay rayonu ərazisində heç bir körpü və ya kollektor-drenaj şəbəkəsi onların nəzarətində deyil.

Mövzu ilə bağlı daha ətraflı videomaterialı təqdim edirik:

Milli.Az