Cəmiyyət

Ukraynadan qayıdan azərbaycanlı: "Atam və qaynım Ukrayna vətəndaşıdır, onlar orada qalıb"

5 Mart 2022 13:06
Baxış: 1 115
VTB-də minimal faiz dərəcəsi ilə nağd kredit 10.49%-dən

"Odessa şəhərindən gəlirik. 24 ildir Ukraynada yaşayırdıq. On gündür öz evimizi tərk etmişik. Ancaq qadınlar və uşaqlar gəldi".

Bunu report-a açıqlamasında Ukraynadan təxliyə olunaraq Bakıya gətirilən Azərbaycan vətəndaşı Dilarə İbrahimova deyib.

"Moldovada 4 gün qaldıq. Sığınacaqda bizi hər şeylə təmin edirdilər", - o bildirib.

Sərfinaz Tanrıverdiyeva isə bildirib ki, oğlu və yoldaşı Ukraynadadadır: "4 gündür Moldovada idik. Bakıya dünən gəldik. Sabah Gəncə şəhərinə yola düşəcəyik. Orada qalmağı planlaşdırırıq".

"On yeddi ildir Jitomir şəhərində yaşayırdım. Atam və qaynım Ukrayna vətəndaşıdır, onlar orada qalıb", - Bakıya təxliyə olunan həmyerlimiz Lamiyə Yaqubova bildirib.

Xatırladaq ki, Ukraynadakı vəziyyətlə əlaqədar martın 4-də Rumıniyanın Yassı hava limanından AZAL-ın növbəti təxliyə reysi həyata keçirilib və 13-ü uşaq olmaqla 191 Azərbaycan vətəndaşı ölkəmizə evakuasiya olunub. Azərbaycanlıların təxliyəsi davam edir.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.