Şou-biznes

Xalq artisti boşandığı əri haqqında: "Sevinərəm ki, onun ailəsi, övladları var" - VİDEO

24 Noyabr 2021 18:00
0 Şərh     Baxış: 2 474
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Xalq artisti Gülyaz Məmmədova şəxsi həyatı ilə gündəmə gəlib.

Milli.Az baku.ws-ə istinadən xəbər verir ki, "Üzə-düz" proqramına qonaq olan sənətçi ayrıldığı həyat yoldaşından danışıb. Xalq artisti müəyyən problemlər səbəbilə ərindən boşandığını bildirib:

"Heç bir qadın boşanmaq istəməzdi. Sadəcə keçmiş həyat yoldaşım uzaq ölkədə yaşayırdı. Xarakterimiz uyğun olub da, olmayıb da. Elə şeylər var ki, mən onu danışmaq istəmirəm. Bizim onunla əlaqəmiz var, bir kənddənik, qohumuq, bir sinifdə oxumuşuq. Oğlumun atasıdır. Mən ona xoşbəxtlik arzulayıram. O, xoşbəxt olsa, mən sevinərəm ki, onun ailəsi, övladları var.

Kiminsə qəminə sevinmirəm. Düzdür, insanlar daha çox başqasının həyatını müzakirə edirlər, amma qoy etsinlər. Yenə də yarıda qalacaq onsuz da. Danışanlar həmişə danışacaqlar, elə şeylərə məhəl qoymamaq lazımdır. İnsan sevəndə peşman olmur, əksinə, o insanın hər xasiyyətini qəbul edir. Kənar fikirlər də təsir etmir.

Mən ikinci dəfə ailə qurmadım. Heç kimə görə yox... Bu, Allahın işidir. Allah bir anda insanın taleyini elə dəyişər ki... "Getmirəm" dediyin anda gedərsən. Allahın mənə yazısı nə olubsa, o da olacaq. Heç vaxt "heç vaxt" demirəm!"

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.