Şou-biznes

"Dedim, namusunla uşaqlara bax, o isə azad olmaq istədi" - Mətanətdən gəlininə

15 Oktyabr 2021 14:42
14 Şərh     Baxış: 11 134

"Allah onu yoldan çıxarların... Hələ də hamımız şokdayıq: atam, anam, oğlum, qohumlar, ailəmiz... Şokdayıq ki, bu qıza nə oldu? Biz o qədər mehriban olmuşuq ki... Ondan o qədər razı idim ki... deyirdim səni balalarımdan ayırmıram. Gecə yatırdı, gedib üstünü örtürdüm. Kim olsaydı onu çox istəyəcəkdim. Mənə Tuncayı, Ruhlanı, Mətanəti bəxş edib, evimin çırağını yandırıb. Balamın sevdiyidir. Onu balamdan ayrı etmişəmsə, Allah mənə qənim olsun".

Milli.Az axsam.az-a istinadən xəbər verir ki, bu sözləri Əməkdar artist Mətanət İsgəndərli "Günün sədası" proqramında deyib. Müğənni ilk dəfə gəlini Canananın onunla bağlı açıqlamalarından danışıb:

"Sənət dostlarım zəng edir ki, bəlkə sizi barışdıraq? Moskvada olanda da danışdım, dedi istəmirəm ayrılıram. Kərim, mən yalvardım. Dedim, evi də verirəm sizə, kirayədə qalaram. Mənlə qalmaq istəmirsənsə, gəl qal, kirayəyə köçəcəm. Oğluma öz villamı verdim, yeni aldığım evə köçdüm. Plana düşdü, onların evini sökdülər. Ona qədər kirayədə qaldılar. Şirkət ödəyirdi pulu. Heç bir çətinliyimiz yoxdur, Kərim dedi sənlə qalaq. Gəlinə dedim istəmirsənsə, tək qalın. Dedi, sizlə daha yaxşıdır, darıxmırıq. Ər-arvad aralarında dava düşdü, mənə zəng gəldi getdim. Gəlinlə ayrı qalmışam hər zaman. Köməkçi də var idi. Deyirdim ki, əziyyət çəkmişəm, balalarımın üzünü doyunca görməmişəm. Ona köməkçi tutdum ki, uşaqlar qışqıra-qışqıra işlə məşğul olma, uşağına özün bax. Ana qədər uşaqlara baxan olmaz. Dedim, köməkçi iş etsin, uşaqları özün böyüt. Bu elə oğlumu da, uşaqları da atdı köməkçinin üstünə. Kərim Allahın siqaretini çəkmir, saf uşaqdır: döyməyi, söyməyi yoxdur. Uşağa hərdən nəşə edib, kim uşağını vurmur? Yalandan yanında vurub. Kim uşağını vurmayıb? Kərim uşaqları döyüb, öldürürdüsə, niyə uşaqlar ondan əl çəkmir? Uşaqlar getmir anasının yanına. Özüm deyirəm, istəyitsizsə gedin uşağın yanına. Mən belə qəddaram ki ananı baladan ayırım? İndi balaları üçün ağlayır, balası üçün belə edər? Moskvadan gələndən uşaq qalır bizlə. Uşaqları biz olmayanda ev dustağı edib. Özün balalrını atıb getmisən. Atıb qulluqçunun yanına, səhər çıxır gecə yarı gəlir. Uşaq deyir ki, ana gələndə də ancaq telefon, sevgisiz qalıb. Qulluqçu uşağa necə baxsın? Bizdə isə atam, Kərim baxır. Onlara dayə, müəllimlər tutmuşam. Balalarımı atmaram. İndi niyə ağlıyırsan? Özün balalarını atıb getdin".

M.İsgəndərli gəlini ilə oğlunun ayrılma səbəbini açıqlayıb. Mətanət "İndi barışarsınız" sualına belə cavab verib:

"Oğlum özü bilər. Dava edəndə elə et ki, barışmağa yer qoyasan. Bu qız barışmağa yer qoymadı. Onu kim yoldan çıxardısa, Allah onun evini yıxsın. Oğlumdan 5 yaş böyükdür, 42 yaşı var, 15-20 yaşı yoxdur ki, qabağıma qoyum danışım. 23 ildir mənim evimdə yaşayır. 10 il nişanlı qalıb, valideynləri Rusiyada qalırdı, onu 10 il evimdə saxladım. Sonra toyları oldu, 23 ildir evimdə yaşayıb, həmin adamlarıq, indi pis olduq? Kərimi özü istəyib. Kərimin ilk sevgisi olub. Mənim oğlum ondan başqa qadın görməyib. Kərim elə uşaqdır ki, ona başqasın almaq istəsəm, edərdi. Etmədim... Onun işləməyini istəmirdik, deyirdim, sənun nəyin çatmır? Yoldaşın işləyir, altında maşın, köməkçisi, salon açdım. Lazer aparatı almaq istədi, qızıllarını satdı, gəldi üstünü düzəltdim, aldı. Boynunu bükürdü, deyirdim get et. Mən sənə nə pislik etdim? İndi son sözü o oldu ki, mən azad olmaq, özüm üçün yaşamaq istəyirəm. 42 yaşın var, üç uşaq dünyaya gətirmisən. Nə azad? Kərimə uşaq ana deyir, ürəyimin başı ağrıyır. Türmədə idin? Altında maşın, bütün günü gəzirdin, cibinə pul qoyurdum. Deyirdim, uşaqları apar parka, qayıdırdı ki, ürəyim sıxılır. Deyirəm, ağlayırsan, gəl uşaqlarını götür. Ona dedim ki, ailəni dağıtma, ev, maşın verirəm. Hər şeyini verirəm. Otur evdə namusunla, uşaqlara bax, istəmədi. İndi niyə ağlayırsan? Onu hər yay Türkiyəyə bahalı otellərə istirahətə göndərirdim, ordan gəlirdi Nabrana gedirdiNəyi əskik idi?".

Qeyd edək ki, Canana və Kərimin 3 övladı var. Canana həyat yoldaşı və qayınanasını onun ailəsini dağıtmaqda ittiham edirdi.

Milli.Az

35 000 AZN-dək krediti ONLAYN sifariş et!

Şərh yaz:

14 Şərh:

  • Anonim
    Ebru · 15 Oktyabr 14:5582

    Səhər baxdım verlişə biraz,əgər gəlininə bu qədər yaxşılıq edibsə,köməklik edibsə ,xanım kimi,saxlayıblarsa onda bu gəlin qudurmuşluqdan gedib evdən??Yəni Ana dediyin 3-ü uşaqın atıb və mən azadlıq istəyirəm deyərmi??Bu günə qədər belə mehriban yaşıyıblarsa sora bunlara nə oldu??Ana olan kəs heç vaxt evladın atıb mən azad yaşayıram deməz!Desədə ki,o ana deyil.Nə bilim vallah ,Ailə qaranlıq meşədi içərsdə nə yaşandıqı bilinməz.Heç bir qadında kefinən çıxıb getməz.Onsuzda heç kəs öz ayranına tur deməz.Günah hansındadı babalı öz boyunlarına.Amma mənim uşaqlara yazıqım gəlir((Böyüklərin günahın körpələr çəkməməlidi.

    Cavab yaz
  • Anonim
    Zuzu · 15 Oktyabr 15:1720

    Hec kim ozunu gunahlandirmaz,evin icinide bilmey olmaz.

    Cavab yaz
  • Anonim
    Объясняю · 15 Oktyabr 15:2491

    Mətişin dediyinə görə - Gəlinin 42 yaşı var, 6 yaş oğlundan böyükdü, 23 ildi gəlin gəlib, 10 il nişanlı qalıblar. Taaak, belə çıxır ki, gəlin 19 yaşında gəlib(42-23=19),9 yaşında nişanlanıb. (19-10=9)..Oğlundan 6 yaş böyükdü (19-6=13).Значит , Кərim 13 yaşında evlənib. Riyaziyyatdan zəifəm)

    Cavab yaz
    • Anonim
      Boncuk · 15 Oktyabr 18:0000

      Hahaha)))

      Cavab yaz
    • Anonim
      Aylin · 15 Oktyabr 22:3710

      Sehv bawa duwdunuz dediki 23 ildi evimizde qalib. 10 il niwanli ola ola. Boyuk oglunun 13 yawi var 13 ildide gelin kimi. 10+13=23)))

      Cavab yaz
      • Anonim
        Ayline · 16 Oktyabr 00:0200

        Metnde duzeliw elediler yeqin sehflerin bildiler yazanlar. 15.24 Werhci duz deyir. Deyiwdilər

        Cavab yaz
  • Anonim
    Объясняю · 15 Oktyabr 15:3470

    A Mətanət, başlıqda dediyin kimi gəlinin namusundan şübhəlisənsə əgər (?), taa niyə yalvarırsan ona, özü də dəfələrlə, nə olsun uşaqları var (!). Namus başqa şeydi, geyim deyil, maşın deyil, köməkçi deyil ki, ..... dəyişəsən.... (!).. Yenə özün bilərsən, əri bilər... Bir də ki, necə yəni gecələr yatanda üstünü örtürdüm, gecə sən gəlinin otağına keçirdin?) Aaaa.... bəlkə elə buna görə ayrılır gəlin?!

    Cavab yaz
    • Anonim
      Ebru · 15 Oktyabr 17:2260

      Bəlkəm aralarda yatırmış :))

      Cavab yaz
  • Anonim
    ?) · 15 Oktyabr 15:5620

    Bele cuxur ki oqlu 13 yawda evlenup Aaaa..

    Cavab yaz
  • Anonim
    Y · 15 Oktyabr 16:0630

    Kim haqli kim haqsiz Allah bilir her weyi.Gelin ele deyir Matenet bele kime inanasanki?

    Cavab yaz
  • Anonim
    Ehh · 15 Oktyabr 20:3730

    Ay M.İsgəndərli, vallah sənə inanmıram, o qədər yalanın çıxıb ki, üzə..Təxminən 14-15 il bundan əvvəl oğlunla birgə verlişlərin birinə qonaq gəlmişdiniz.O zaman özün dedin ki, nə qədər elədim oğlumla qızı ayıra bilmədim, axırda məcbur olub nişanladım..Oğluvun gözündə nəzərə çarpacaq dərəcədə problem var, ANS tv-də "Günaydın" verilişi vardı, həmin vaxt aparıcısı Turan İbrahimov idi, həmin verilişdə dedin ki, uşaq vaxtı oğlum Kərimin gözünü atası vurub bu hala salıb, bunu eşidən Mətanətin keçmiş qaynanası və yoldaşı səhərisi günü həmin verilişə çıxdılar, Dedilər nə danışırsınız o nə danışıbsa, hamısı yalandır, uşağın gözü irsi olaraq elədir, həqiqətən də irsi idi, çünki M.İsgəndərlinin keçmiş ərinin gözü də eynən Kərimin gözü kimi idi..Tak şto, mən o vaxtdan bu qərara gəldim ki, sən çox gözəl gopa basmağı bacarırsan, olmayanı olmuş kimi göstərmək axı bu nəyə və kimə lazım idi?!

    Cavab yaz
  • Anonim
    Anonim · 15 Oktyabr 20:3801

    Deyir da Metanet. Gaynanasindan danishdi bir vaxtlar, sonra gaynana chixdi efire dedi ki, Metanet her gece eve piyan lul gember gelirdi. Agzinda konyak iyi gelirdi. Deyende ki, hardan gelirsen deyirdi ozum bilerem, size ne. Indi oturub gelinden shikayet edir. Gelin neche defe size muraciet etdi ki, ushaglarimla kuchede galmisham ev verin mene bashimi soxum Sesin chixdi onda ay Metish? Deyisen ki, kurortlara gonedrirdim. Amma oglun axi her gun shile tepik altina salirdi gelini de ushaglarini da. Utanmirsan ageristlik edirsen? Sen choxdanin artistisen axi. Bir adam ki, Haci Memmedovun destesinden ola. Evinden ogurlanan Mahir bes nece oldu? Harda oldurdub, basdirdilar onu?

    Cavab yaz
  • Anonim
    vaksin · 15 Oktyabr 20:3901

    Sirkə tünd olar qabini çatladar.Mətanət yaxşiligdan başqa pislik etməyi bacarmayan insandir.Gəlin qudurdun belə qaynanandan kim də küssə barişardi və günah səndədir ay gəlin.Daş düşdüyu yerdə agir olur ay gəlin.Sən Mətanətdən gəşəng qadin olmamisan ki nə əziyyətlər çəkib...Günahkar pandemiya vaksinləşmədir beyninə əks təsir göstərib)))

    Cavab yaz
  • Anonim
    edi · 16 Oktyabr 01:4120

    Mətanət xanım bir zamanlar siz də "azadyaşamaq "populyarlaşmaq"üc'ün müqənniliyi secdiniz.tarix təkrarlanmır sizcə?

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.