Şou-biznes

Xatirə müalicə üçün Rusiyaya getdi - "Həkim nəzarətindəyəm"

21 Sentyabr 2021 20:24
0 Şərh     Baxış: 3 390
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Müğənni Xatirə İslam bir müddətdir Rusiyadadır.

Milli.Az axşam.az-a istinadən xəbər verir ki, sənətçi Moskvaya müalicəyə getdiyini bildirib. O qeyd edib ki, hazırda həkim nəzarətindədir və təcili olaraq çəki atmalıdır:

"Hələ də arıqlamaq üçün bir vasitə tapmamışam. Müalicəmlə əlaqədar pəhriz saxlamalıyam. Həkim deyib ki, gündə 2,5 litr su içməliyəm. Bir çox adam mənə arıqlamaq üçün dərman dedi. Amma tərkibində kimyəvi qatqı olan heç nə içə bilmərəm. Kimyəvi maddələr olan çaydan da uzaq durmalıyam. Tərkibində heç bir zərərli maddə olmayan arıqladıcı vasitələr lazımdır. Həkim nəzarətindəyəm".

Qeyd edək ki, sənətçi bir müddət əvvəl ana olmaq istədiyini bunun üçün müalicə aldığını açıqlamışdı. "İki ildən artıqdır ki, müalicələr edirəm. Xanımlar bilir ki, hormonal dərmanlar ziyandır. İki il fasiləsiz onlardan istifadə etmişəm ki, yenidən ana olum. Hər dəfə yazırlar Xatirə ana olacaq. Normal qadınam, olmalıyam. Amma olanda açıqlayacam. Keyfiyyətsiz həkimlərin müalicəsi nəticəsində 20 kiloqram çəki aldım.

İndi ikinci dəfə ana olmaq yolunda sonuncu addımı atmışam. Son şansımdır. Ortada heç nə yoxdur, amma çalışıram. Müalicə gedir" deyə, Xatirə açıqlamasında qeyd edib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.