Şou-biznes

“Seriallarımızı xarici ölkələrə pulsuz verməliyik” - “İmtahan”ın aktyoru

25 Dekabr 2019 13:45

6 Şərh Baxış: 3 509

VTB-də minimal faiz dərəcəsi ilə nağd kredit 10.49%-dən

#ŞOU-BİZNES #AKTYOR

Aktyor Cövdət Şükürov "İmtahan" serialına geri dönməyindən söz açıb.

Milli.Az axşam.az-a istinadən bildirir ki, "Təhminə və Zaur" serialından təklif gəldiyi üçün "İmtahan"dan ayrılıb:

""Təhminə və Zaur" serialına görə ayrıldım, amma ekran işi gözlədiyimdən uğursuz alındı. Rejissor işi yaxşı deyildi. Gördüyümü deyirəm. Daha yaxşı etmək olardı. Belə problemlər yarandı. Aktyorlarla komanda arasında problem yarandı və serial bitdi. Hansı ki, reytinqi normal idi".

"Tamaşaçılar gəlişimə sevindi. İndiyədək ürəyimə yatan ən yaxşı obraz Mahirdir. İnsanlar da onu çox istəyir. Obrazımla bağlı bitirmədiyim işlər var idi deyə, sevindim ki, qayıtdım", - Cövdət bildirib.

Aktyor "Bir daha yaxşı təklif gəlsə, yenə serialdan ayrılarsınız" sualına "Daha soyuq beyinlə qərar verəcəm. Yüz ölçüb, bir biçəcəm. Hazırda həm teatr, həm də seriala çəkilirəm. Film üçün vaxt yoxdu" sözləri ilə cavab verib.

O, "İmtahan"ın Çində keçirilən Şenzen Beynəlxalq TV serialları sərgisində satışa çıxarılmasına çox sevindiyini deyib:

"Təbii ki, qürurvericidir. Dəfələrlə çıxış etmişəm ki, seriallarımızı xarici ölkələrə pulsuz belə verməliyik ki, o bazara girək. Bir dəfə yaxşı iş təqdim etdiksə, ardı da gələcək".

Milli.Az