Maraqlı

Düyüdə bu əlamətlər varsa, MÜTLƏQ ATIN! – Süfrənizdəki gizli zəhər mənbəyi

3 Aprel 2026 18:06

Baxış: 474

VTB-də minimal faiz dərəcəsi ilə nağd kredit 10.49%-dən

#MARAQLI

Süfrələrimizin şahı hesab olunan düyü, düzgün saxlanılmadıqda və ya vaxtı keçdikdə əsl təhlükə mənbəyinə çevrilə bilir. Bir çox hallarda düyüdə baş verən qoxu, rəng və tekstura dəyişiklikləri məsum bir proses kimi görünsə də, əslində bu, bədənimiz üçün ağır fəsadlar törədə biləcək bakteriyaların işarəsidir.

Milli.Az xəbər verir ki, düyü tarladan yığım zamanı təbiətdə geniş yayılan "Bacillus cereus" adlı bakteriyaya yoluxa bilər. Bu bakteriyanın ən qorxulu tərəfi odur ki, düyü bişirildikdə belə onun sporları tam məhv olmaya bilər. Əgər bişmiş düyü otaq temperaturunda uzun müddət qalarsa, həmin bakteriyalar sürətlə çoxalaraq toksin ifraz edir. Bu isə ağır qida zəhərlənmələrinə, ürəkbulanma və diareyaya səbəb olur.

Hər düyü növünün öz "ömrü" var və buna mütləq diqqət edilməlidir. Qəhvəyi (qara) düyü tərkibindəki yüksək yağ faizinə görə daha tez xarab olur. Saxlanılma müddəti cəmi 6 aydır. Ağ düyü isə quru və sərin yerdə saxlanılarsa, illərlə təravətini qoruya bilər. Bişmiş düyü soyuducuda maksimum 3-4 gün, dondurucuda (buzluqda) isə 1-2 ay ərzində istifadə edilməlidir.

Məhsulun yararsız olduğunu göstərən bir neçə əsas siqnallar var. Təzə düyü demək olar ki, qoxusuzdur. Əgər düyüdən kəskin, turşumuş və ya xoşagəlməz bir qoxu gəlirsə, onu dərhal atın.

Düyü dənələrində ən kiçik yaşıl, qara və ya narıncı ləkə (kif) görünürsə, həmin paketi tamamilə məhv etmək lazımdır. Kifin görünməyən hissələri bütün kütləyə yayılmış ola bilər. Bişmiş düyü yapışqan və həddindən artıq sulu hala gəlibsə, bu, mikrob artımının göstəricisidir.

Sağlamlığınızı qorumaq üçün düyünü bişirdikdən sonra ən geci 1 saat ərzində soyuducuya qoymağınız və təkrar qızdırdıqda onun tam qaynar olduğuna əmin olmağınız tövsiyə olunur.

Səkinə Yusifova
Milli.Az